अनिल खत्री
जेठ, गुल्मी – गुल्मीमा नमुना युवा संसदद्धारा सत्ता सञ्चालनको अभ्यास सम्पन्न भएको छ । जिल्लाको सदरमुकाम तम्घासमा २ दिन सम्म सञ्चालन भएको युवा संसद स्थापना र अभ्यास कार्यक्रममा नमुना युवा संसदद्धार सत्ता सञ्चालनको बिधि र प्रक्रियाको अभ्यास गरेका हुन् ।
जिल्लाको रेसुङ्गा नगरपालिका गुल्मीको अयोजना र जिल्ला युवा समिति गुल्मीको समन्वयमा सदरमुकाम तम्घासमा युवा संसद स्थापना र अभ्यास सम्पन्न भएको हो । युवाहरुलाई संसदीय अभ्यास, मुल्य मान्यता, मर्यादा बारे प्रर्शिक्षीत गर्दै संसद सञ्चालनको प्रक्रिया बारे जानकारी गराउने र आगामी नेतृत्व बिकासका लागि भूमिका निर्वाह गर्ने उदेश्यले संसद स्थापना र अभ्यास कार्यक्रम राखिएको जिल्ला युवा समिति गुल्मीका अध्यक्ष राजेन्द्र बिक्रम कुँवरले बताए ।
युवा संसद स्थापना र अभ्यास कार्यक्रमबाट राष्ट्रपति देखि प्रधानमन्त्री, सभामुख, उपसभामुख, बिभिन्न मन्त्री, प्रमुख सचेतक लगायतको निर्वाचन गरिएको थियो । रेसुङ्गा नगरपालिका भित्रका १४ वटा वडाबाट २ जनाका दरले २८ जना समग्र नगरपालिकाबाट ३३ जना २४ वर्ष भित्रका युवाहरुको सहभागिता रहेको थियो ।
सोमबारबाट सुरु युवा संसदीय अभ्यास कार्यक्रमको मंगलवार संसद सञ्चालन गरेर सम्पन्न गरिएको थियो । कार्यक्रममा प्रदेश नम्बर ५ प्रदेश सभाका बिशेष अधिकार समिति संयोजक कमलराज श्रेष्ठले संसद सञ्चालन र यसको भूमिका कसरी निभाउने भन्ने बारे नमुना युवा संसदहरुलाई सोमबारको कार्यक्रममा प्रशिक्षण दिएका थिए ।
मंगलवार संसदमा बिभिन्न जिम्मेवारी पाएका युवाहरुले नमुना संसद सञ्चालन गरेर सत्ता पक्ष र प्रतिपक्षको भूमिका निभाएका थिए । संसद सञ्चालनमा बोल्नको लागि २ वटा समय छुट्टाइएको थियो । शुन्य समय र बिशेष समयमा ८ जना संसदले बिभिन्न बिषयमाथी सरकारको ध्यानाकषर्ण गराएका थिए । सत्ता पक्षले सरकारको बचाउ गरेको र प्रतिपक्षले सरकारको बिरोध गरेको जस्ता बिषय बस्तु उठान गरेर नमुना प्रस्तुति राखेका थिए ।
संसद सञ्चालनको क्रममा गृहमन्त्रीबाट नागरिकता बिद्येक पेस गरि संसदीय प्रक्रिया पुरा गरेर पास गरिएको थियो ।
कार्यक्रममा रेसुङ्गा नगरपालिका प्रमुख डिल्लीराज भुसालले नगरसभापनि नमुना उदारणीय सिष्ट र अनुशासित ढंगले सञ्चालन गर्न पाए हुन्थ्यो भन्ने लागेको बताउनुभएको थियो ।
