अर्घाखाची – जेष्ठ २७, फलाम पिटेर जिविकोपार्जन गर्ने आरन व्यवसायीलाइ अर्घाखाचीको पाणिनी गाउँपालिका –वडा नम्बर ६ ले निशुल्क औजारहरु वितरण गरेको छ ।
दिनभर फलामको विभिन्न औजार बनाई वर्षको एक पटक बाली उठाउँदा डोकेभागमा एक डोका मकै र ३ पाथीमा धान, गँहु, दिने गर्छन, परिवार पाल्नै मुस्किल छ ।
वडाभित्र रहेका फलाम पिटेर जिविको पार्जन गरिरहेका ७ आरन व्यवसायीलाइ निशुल्क रुपमा आरनको पंखा, फलाम पिट्ने दुई थान घन लगाएतका सामाग्री वितरण गरेको वडाअध्यक्ष शुभबहादुर सारुले बताउनुभयो । दिने कामी, नरबहादुर कामी, नरबहादुर विक, टोपबहादुर कामी, बुद्धिबहादुर विक, शिवलाल विक र टेकलाल विकलाई दलित आरान सुधार कार्यक्रम अन्र्तगत वितरण गरेको अध्यक्ष सारुको भनाई छ ।
सारुले भन्नुभयो , ‘पुख्र्यौली रुपमा आरन पेशा गरेका आरन व्यवसायीलाई आधुनिकीकरण तर्फ उन्मुख गर्न आरन सम्बन्धि औजार वितरण गर्नका लागी वडाले बजेट विनियोजन गरी वितरण गरेका हौँ ।
लोप हुदैँ गएको पेशा संरक्षण गरि युवाहरुलाइ आरन व्यवसायमा आकर्षित गर्न र स्वरोजगार सृजना गर्न औजार वितरण गरेको वडा सचिव टेकराज श्रेष्ठले बताउनुभयो। कार्यक्रममा वडा सदस्य खगिश्वर पौडेल, तारा पौडेल, पुनाराम पौडेल, तारा दर्जी, पत्रकार घनश्याम पौडेल लगाएतको उपस्थित रहेको थियो ।
