आर्थिक अभावका कारण पूर्व विद्यार्थी नेता चन्द्रलाल बन्दीपुरेको उचारमा समस्या भएको छ । पूर्व माओवादी केन्द्रको विद्यार्थी संगठन अनेरास्ववीयू क्रान्तिकारीको जिल्ला अध्यक्ष हँुदै केन्द्रिय सदस्य समेत रहनुभएका चन्द्रलाललाई उपचार गर्ने पैसा नहुँदा अस्पतालमा रोग नै पत्ता नलागेर जीवनमरणको दोसाधमा पुग्नुभएको छ ।
२०७० सालदेखि शरिरमा छालाको समस्या देखिएपछि अस्पताल पुगेर जाँच गराउँदा कुष्ठरोग भएको भनियो । तर, औषधि सेवन गर्दापनि निको नभएपछि समस्या झन् जटिल हँुदै जाँदा रोग पत्ता लगाउन सकिएको छैन ।
अहिले उहाँको नेपालगञ्ज हस्पिटलमा उपचार भइरहेको छ । तर, पैसा अभावले गर्दा कुन रोग लागेको छ भन्ने सम्म पत्ता लगाउन सकिएको छैन । उहाँको उपचारमा आर्थिक सहयोग गरिदिन परिवारले आग्रह गरेको छ ।
