अर्घाखाँची, २८ जेठ –
अर्घाखाँचीमा जिप दुर्घटना हुँदा २ जना घाइते भएको छन । सितगंगा नगरपालिका वडा नम्बर १ घर्तीसरा स्थित झोलुङे हुदै मन्द्रे कच्ची सडकमा मंगलवार गए राती लु ३ च १६५६ नम्बरको पिकप जिप दुर्घटना भएको हो।
दुर्घटनामा जिप चालक दाङ राप्ती गाउँपालिका ५ घर भएका १८ बर्षका सुनिल चौधरी र सहचालक रुपन्देही घर भएका २६ बर्षका रमेश सुनार घाइते भएका छ्न ।
बुटवल बाट कुखुराको दाना लिएर मन्द्रे सडक तर्फ जाँदै गरेको दुर्घटना भएको हो ।
जिप सडकबाट करिब ५० मिटर तल खसेको प्रहरीले जनाएको छ। घाइते दुबैलाइ ठाडा स्वास्थ्य चौकिमा सामान्य उपचार पछि थप उपचारको लागि बुटवल लुम्बिनी अस्पतालमा रिफर गरिएको अर्घाखाची प्रहरीले जानकारी दिएको छ।
