जेष्ठ २९,
पाल्पा – पाल्पामा बाँदरको आक्रमणबाट एक महिला गम्भीर घाईते भएकी छन ।
पाल्पा को तानसेन नगरपालिका १३ छेर्लुङ्गमा मंगलबार साझ बाँदरको आक्रमणबाट एक महिला गम्भीर घाईते भएकी हुन ।
घर नजिकैको ठुलापोखरा भन्ने स्थानमा खेतमा काम गर्दै गरेको अवस्थामा एक्कासी बाँदरले आक्रमण गर्दा स्थानिय ३३ वर्षीय कमला खरेल गम्भीर घाइते भएकी हुन ।
करिब डेढ दुई सयको संख्यामा आएको बाँदरको समुहले खेतमा काम गर्दै गरेकी कमला लाई आक्रमण गरेको स्थानियले बताएका छन ।
बाँदरको आक्रमणबाट गम्भीर घाईते भएकी कमलाको दुबै खुट्टामा गहिरो चोट लागेको छ । यस अघि पनि सोही गाउँमा बाँदरको आक्रमणमा परी दुई महिला घाईते भएका थिए ।
पछिल्लो समय पाल्पामा बाँदर आंतकका घटना एकपछि अर्को गरि बढी रहेका छन ।
