गुल्मी, जेष्ठ २९ ,
छत्रकोट गाउपालीका वडा नम्बर ५ खज्र्याङ्गमा गुल्मीमा वडा भित्रका गर्भवती महिलाहरुलाई पोषण प्याकेज वितरण गरिएको छ । १००० दिने आमाहरुको लागी हरेक बार खाना चारको सचेतनाको लागि पोषण प्याकेज वितरण गरिएको हो । छत्रकोट ५ का वडा अध्यक्ष तथा हेपो विकास समिति अध्यक्ष कृष्ण पन्तको अध्यक्षतामा संपन्न कार्यक्रममा गाउपालिका अध्यक्ष मधुकृष्ण पन्तको प्रमुख आथित्यता रहेको थियो ।
यस्तै कार्यक्रममा गाउपालिका उपाध्यक्ष नर्मदा भण्डारीको विशिष्ट आथित्यता रहेको थियो । त्यसैगरी जिल्ला समन्वय समितिका सदस्य गंगा पन्थको विशिष्ट आथित्यता रहेको थियो ।
कार्यक्रममा छत्रकोट स्वास्थ्य ईकाई प्रमुख पुण्य प्रसाद पौडेल , वडा सचिव खिमलाल पन्थ , नेकपाका सरोज पाण्डे , नेपाली काग्रेसका तुल्सीराम पन्त , हेपो विकास समितिका सदस्यहरु , स्वयम सेविकाहरु लगायतको आथित्यता रहेको थियो ।
हेपो ईन्चार्ज युवराज खनालको स्वागत मन्तव्यमा संपन्न कार्यक्रममा वडा भित्रका ३१ जना गर्भवति महिलाहरुलाई पोषण प्याकेज वितरण गरिएको छ । कार्यक्रम श्याम सुन्दरको संचालनमा संपन्न भएको हो ।
