प्रेम सुनार
बुटवल, असार–३ – खानेपाीको हाँहकार भोगेका गुल्मीको सदरमुकाम तम्घास खानीगाउँका बासीन्दाले जमिन मुनीको पानी पम्पीङ्ग प्रविधी मार्फत निकालेर खानेपानीको समस्या समधान गरेका छन ।
रेसुङ्गा नगरपालिका १, २, ३ ८ र ९ नम्वर वडा सम्म कार्यक्षेध रहेको खानीगाउँ खानेपानी उपभोक्ता समितिले खानीगाउँमा भुमिगत जलश्रोत ( डिप बोरिङ्ग ) प्रविधी मार्फत वडा नम्वर ८ का ३ सय ५२ घरधुरीलाई खानेपानीको समस्या समधान गरेको हो ।
तल बसपर्कस्थित जमिनमा पाईप गाडेर पानी निकाल्दै ६ ईञ्चको पाईप मार्फत गएराती देखि माथी भगवती मन्दिर भन्दा माथीको ट्याङकीमा खसाल्न सफल भईएको मंगलवार उक्त पानी वितरण उद्घाटन समारोहमा उपभोक्ता समितिका अध्यक्ष बालसिंह काउछाले बताए ।
रेसुङ्गा नागरपालिका वडा नम्वर ८ का वडाध्यक्ष भरत भलामीले खानेपानीको समस्याले काकाकुल भई रहेका खानीगाउँवासीका लागि जमिनको पानी बाहिर निकालेर ट्याङकी सम्म खसाल्न सफल हुनुलाई उत्सवका रुपमा लिएको बताए ।
उक्त योजना ५ नम्वर प्रदेश सरकारको भौतिक पुर्वधार मन्त्रालयबाट परेको २५ लाख लागमा सम्पन्न भएको उक्त डिभिजन कार्यालयका ईञ्जिनियर कमल पन्थले बताए ।
खानेपानी तथा सरसफाई डिभिजन कायाृलयका प्रमुख अनोज उपाध्यले यो प्रविधी राम्रो भएको र ल्याव टेष्ट गर्दा पानी शुद्ध र पिउन योग्य भएको जानकारी दिए ।
कार्यक्रमका प्रमुख अतिथी रेसुङ्गा नगरपालिकाका मेयर डिल्लीराज भुसालले सबैको सक्रियतामा छोटो समयमै खानेपानीको समस्या समधान गर्न सकेको प्रति खुशी ब्यक्त गर्दै सदरमुकाम भित्रको खानेपानीको दिर्घकालिन समस्या समधानका लागि केन्द्र सरकार संग आफुले पहल गरि झण्डै एक अरवको लागतमा मझेङ्ग खानेपानी योजना सुरु गरिएको बताए ।
उपभोक्ता समितिका सदस्य यमबहादुर थापाले विगतमा खानेपानीको चरम समस्या परे पछि मेयर भुसालको कार्यकक्षमा घेरा गर्न समेत जान बाध्य भएको स्मरण गरे । समितिका सचिव कृष्णप्रसाद भण्डारीले सोमबार राती देखि ३ ईञ्चको पानी ट्याङकीमा खसालिएको बताए ।
यस्तै खानेपानी योजना त्यस नगरपालिका वडा नम्वर ९ उपल्लो तम्घासमा पनि एक महिना अघि २५ लाख रुपैयाँकै लागतमा भुमिगत जल खानेपानी योजना सम्पन्न गरि वडावासीको खानेपानी समस्या समधान गर्न सकिएको त्यस वडाका वडाध्यक्ष नारायण बरालले बताए ।
