तिलाचन पाण्डे
असार ७ , २०७६ गुल्मी –
जनसंख्याको आधारमा बजेट बिनियोजन गर्ने लागिएको भन्दै रेसुंगा नगरपालिका वडा नं १४ का वडा अध्यक्ष शेर बहादुर पहराइले दुख ब्याक्त गरेका छन् ।
आर्थिक बर्ष २०७६ – ७७ मा नगरपालिकाबाट बिनियोजन हुन लागेको बजेटमा जनसंख्यालाई आधार मानेर बजेट बिनियोजन गर्दा त्यसै त नगरपालिकाको बिकट र
प्राय जनजाति बस्ती रहेको पराल्मीमा भौतिक पूर्वाधार र खानेपानीका समस्या रहेको बस्तीमा यसरी बजेट बिनियोजन गरे १४ नं वडा दशौ बर्ष अझै पछाडी धकेलीने पहराईले दाबी गरे ।
२०६८ को जनगणना अनुसार २८९५ जनसंख्या ६९५ घरधुरी रहेको पराल्मीमा सदरमुकाम तम्घास देखी वडा कार्यलय सम्मको दुरी १३ किलोमिटर दुरीमा रहेको वडामा अझै सात वटा बस्तीहरुमा अझै मोटरबाटो पुग्न सकेको छैन ।
वडामा रहेका बस्तीहरुमा सिम्स्यार , सुनारटोल , मारादी , नयाँगाउँ , चोक्टे , जामुनपाटा , चोनका बस्तीहरुमा अझै मोटर बाटोले छुन सकेको छैन त्यहाँका जनताहरुले गाडी चड्नका लागि घन्टौ लगाएर पैदल यात्रा मार्फत हिड्न बाध्य भएका छन् ।
प्राय जनजाती बस्ती रहेका स्थानहरु र नगरपालिकामा अझै पनि सडक संजालले नछुनु दुखद पक्ष भएको वडा अध्यक्ष पहराइले बताए । वडाको बिकासका निम्ति पटक पटक नगरपालिकाको कार्यपालिकाको बैठकमा आवाज उठाए पनि समाधान नभएको पहराइले आरोप लगाए ।
यति मात्रै नभई पराल्मी बासीहरुका लागि खाने पानीको समेत समस्या रहेको र बिधुतका पोलहरु प्राय काठका रहेको र जीर्ण अबस्थामा रहेको पहराईले बताउनु भयो ।
नगरपालिकाको १४ नं वडा पराल्मीको रातामाटा भुतुसे देखि वडा कार्यलयमा सेवा लिन जानका लागि अझै पनि तीन घण्टा पैदल यात्रामा आउन बाध्य भएको स्थानीयहरुले बताएका छन् ।
यता रेसुंगा नगरपालिकाका प्रबक्ता पदम अर्यालले पराल्मीका लागि अन्य वडाहरुमा भन्दा धेरै बजेट बिनियोजन गर्ने पक्षमा रहेको र जति गर्नुपर्दथ्यो त्यती बिकास गर्न नसकेको स्विकार गरे । त्यहााँको समस्या समाधानका लागि केन्द्र सरकार संग पनि समन्वय भएको भन्दै आगामी बर्ष बिकासले फड्को मार्ने गरी काम गर्ने दाबी गरे । अन्य वडाहरुमा भन्दा पराल्मीलाई केन्द्रमा राखेर बजेट बनाउने अर्यालले दाबी गरे ।
