प्रेम सुनार
बुटवल, असार–७ – गुल्मी जिल्लामा खानेपानीको अभाव खेपेका विभिन्न गाउँवासीले धुर्कोटमा जस्तै काकाकुलको अवस्था भयो भनेर कुनै समय उदाहरण दिने गर्दथे । अहिले त्यसै धुर्कोटमा एक हजार भन्दा बढि घरधुरीमा घर–घरमा पानीको धारा पुगेको छ ।
धुर्कोट गाउँपालिका पश्चिम नेपाल ग्रामिण खानेपानी तथा सरसफाई परियोजना ( वास ं) का संयोजक छविलाल बिश्वकर्माका अनुसार त्यस वडामा धुर खानेपानी योजना अन्तर्गत ५५ घरधुरी , धुर्कोटरजस्थल खानेपानी योजनाबाट करिव २ सय ५० घरधुरी , कमेरपानी खानेपानी योजनाबाट २३ घरमा घर घरमा खानेपानी धारा पुगेको छ , लाँहटा खानेपानी योजनाबाट करिव ३० घरधुरीको घर–घरमा धारा पुगेको छ ।
सोही वडा संग जोडिएको वडा नम्वर–४ जैसीथोकमा पनि खानेपानीको उतिकै समस्या थियो ।
धुर्कोट गाउँपालिका वडा नम्वर ३ साविकको वडा नम्वर १ , वर्दवासटोलमा १ सय ३३ घरधुरीको घर घरमा धारा पुगेको वास संयोजक बिश्वकर्माले बताए ।
त्यहाँको साविकको वडा ४, ५ , ६ र ७ मा खानेपानीको अत्यन्तै समास्या रहेको वडा सदस्य दिलबहादुर थापाले बताए । त्यहाँ खानेपानीको मुहानको समस्याले गर्दा बिकल्प खोजिएको धुर्कोट गाउँपालिका प्रमुख भुपाल पोखरेलले बताए ।
वडा नम्वर १ नयाँगाउँमा ८ सय ३० घरधुरी मध्ये ३ सय ५० घरधुरीमा घर घरमा धारा पुगेको वडा सदस्य चेतमान कुँवरले बताए । वडा नम्वर ७ वाग्लामा १ सय ४६ घर घरमा धारा पुगेको र अन्य तीन वटा खानेपानी योजना सम्पन्न हुने चरणमा रहेको वडाध्यक्ष हिमप्रसाद पन्थीले बताए ।वडा नम्वर २ पिपलधारा पनि एक घर एक धाराको काम अन्तिम चरणमा पुगेको छ ।
गाउँपालिका प्रमुख पोखरेलले शनिवार आर्थिक बर्ष २०७६÷०७७ को नीति तथा कार्याक्रम सभामा पेश गर्दै ११ सय ११ घरधुरीमा स्वच्छ खानेपानी एक घर एक धारा पुराई सकिएको प्रतिवेदन सभामा पेश गरे । दुई बर्ष भित्र धुर्कोटका प्रत्येक घरधुरीमा एक घर एक धारा पुराउने गरि योजना अगाडी सारिएको उपप्रमुख शिवबहादुर केसी – खत्री ) ले जानकारी दिए ।
