रुपन्देही,
असार ८ –
रुपन्देही को कलौनीमा बसको ठक्करबाट २ जनाको ज्यान गएको छ ।
पूर्वपश्चिम राजमार्ग अन्तर्गत सैनामैना–६ कलौनीमा शनिबार राति महेन्द्रनगरबाट काठमाण्डौका लागि छुटेको ना ७ ख ५९४८ नम्बरको बसले लु ८ प ८४७५ नम्बरको मोटरसाइकललाई ठक्कर दिँदा मोटरसाइकलमा सवार दुई जनाको ज्यान गएको हो ।
ज्यान गुमाएका दुबैजनाको परिचय खुल्न सकेको छैन ।
बसको ठक्करपछि मोटरसाइकलमा आगो लागेको इलाका प्रहरी प्रहरी कार्यालय सालझण्डीका प्रहरी निरीक्षक रविराज मैनालीले जानकारी दिनुभयो । ।
आगोले २ जनाकै शव जलेको उहाले बताउनुभयो ।
उनिहरुको शव लुम्बीनी प्रादेशिक अस्पताल बुटवलमा राखिएको प्रहरी निरीक्षक मैनालीले जानकारी दिनुभयो ।
