पर्वत,
असार ९ –
पर्वतमा जीप दुर्घटना हुँदा २ जनाको मृत्यु भएको छ ४ जना घाईते भएका छन ।
पर्वतको महाशिला गाउँपालिकामा हिजो भएको सवारी दुर्घटनामा २ जनाको मृत्यु भएको हो ।
दुर्घटनामा परी मृत्यु हुनेमा पर्वत जिल्ला महाशिला गाउँपालिका ३ बालाकोटका ४२ बर्षिय कृष्णगोपाल गुरुङ र सल्यान जिल्ला कपुरकोट ४ की ३० वर्षिया विष्णु थापा रहेका छन ।
गाउँपालिकाको केन्द्र बालाकोट बाट वडा नम्बर ५ लुङ्खुदेउराली तर्फ फर्किँदै गरेको ग २ च ७१२८ जीप सडकबाट २ सय मिटर तल खसेर दुर्घटना भएको हो ।
दुर्घटनामा ४ जना घाइते भएका छन् । घाइतेहरुमा जीप चालक पर्बतको पैँयु गाउँपालिका वडा नं ७ बस्ने ३५ बर्षिय प्रविण गुरुङ र महाशीला गाउँपालिका–३ बस्ने ३३ बर्षिया लक्ष्मीलाई उपचारका लागि पोखरा पठाइएको छ ।
त्यस्तै बालाकोट कै ३५ का दिपक गुरुङ र २८ बर्षिय खुमबहादुर गुरुङ्गको स्थानीय प्राथमिक स्वास्थ्य केन्द्र लुङ्खुदेउरालीमा प्राथमिक उपचार भैरहेको छ । वर्षाका कारण बाटो चिप्लो भएपछि जीप सडकबाट तल खसेको प्रहरीको अनुसन्धानबाट खुलेको प्रहरी निरीक्षक राजन रायमाझीले जानकारी दिनुभयो ।
