नेत्र विक्रम चन्द विप्लव नेतृत्वको नेपाल कम्युनिष्ट पार्टीले आब्हान गरेको नेपाल बन्दका कारण जनजीवन प्रभावित भएको छ । सवारी साधन चल्न सकेका छैनन् ।
काठमाडौं, ललितपुर, भक्तपुर लगायतका स्थानमा बन्दको प्रभाव खासै नदेखिए पनि बाहिरी जिल्लाहरुमा बन्दको सामान्य असर देखिएको छ ।
बिभिन्न स्थानमा शंकास्पद वस्तु फेला परेको छ ।
अर्घाखाँचीमा तीन ठाउमा बम फेला परेको छ । आजको नेपाल बन्दलाइ लक्षित गरेर बम राखिएको आशंका गरिएको छ ।
छत्रदेव गाँउपालिका वडा नम्वर ५ को वडा कार्यालय नजिकै, वडा कार्यालय ७ को नजिकै र मालारानी (१ को छेडाठाटीमा गरि तीन ठाउमा बम जस्तो देखिने संकास्पद बस्तु फेला परेको प्रमुख जिल्ला अधिकारी प्रेमलाल लामीछानेले जानकारी दिए । बम हो या संकास्पद बस्तु भन्नेबारेमा अनुसन्धान पछि मात्र थाहा हुने प्रजिअ लामीछानेको भनाइ छ ।
संकास्पद बस्तुलाइ डिस्पोजल गर्न नेपाली सेनाको टोली बम भएको स्थानमा गएर डिस्पोजल गर्ने तयारी गरि रहेको प्रहरीले जनाएको छ । बन्दका कारण जिल्लाभरको जनजीवन प्रभावित रहेको छ । विहानै देखि छोटो तथा लामो दुरीका सवारी साधन चलेका छैनन । शिक्षण सस्था विद्यालय सबै ठप्प छन ।
यता गुल्मीमा भने कुनै अप्रिय घटना घटेको छैन तर छोटो तथा लामो दुरीका सवारीसाधन नचल्दा यात्रुहरुले सास्ती खेप्न बाध्य भएका छन ।
चितवनको खैरैनी पर्सा बजारमा शंकास्पद वस्तु फेला परेको छ । बैतडीमा प्रेसरकुकर बम भेटिएको छ ।
यता, बाग्लुङ नगरपालिका वडा नम्बर २ श्रीनगर टोलमा शंकास्पद वस्तु फेला परेको छ ।
शंकास्पद वस्तु नेपाली सेनाको डिस्पोजल टोलीले डिस्पोज गरेको छ ।
पार्टीको केन्द्रीय नेतालाई पक्राउ गरेपछि मुठभेदको नाममा हत्या गरेको विरोधमा आव्हान गरेको नेपाल बन्दको कारण सम्पूर्ण यातायातका साधन बजार शिक्षण संघसंस्था प्रभावित बन्न पुगेको छ ।
बागलुङबाट चल्ने लामो दुरीको छोटो दुरीको सवारीसाधन नचल्दा गन्तव्यमा पुग्ने यात्रु मर्कामा परेका छन् ।
नेत्रविक्रम चन्द ‘विप्लव’ नेतृत्वका सर्लाही जिल्ला इन्चार्ज कुमार पौडेल प्रहरी कारबाहीमा मारिएपछि विप्लव समूहले बन्दको आब्हान गरेको बताएको छ ।
