राधा पोख्रेल ,
गुल्मी, असार १० –
गुल्मीको धुर्कोट गाउपालीकाले आर्थिक वर्ष २०७६ – ७७ को बजेट गाउसभामा पेश गरेको छ । गाउपालीका उपाध्यक्ष शिव बहादुर खत्रीले ४२ करोड ७३ लाख २३ हजार बराबरको अनुमानीत बजेट गाउसभामा पेश गर्नुभएको हो ।
बजेटमा कृषि , पुर्वाधार निर्माण, खरको छाना बिस्थापन लयागत बिषयले प्राथमिकता पाएको छ । गाउपालीकाले पालीका भित्रका पुर्वाधार मर्मत सम्भारका लागि २७ लाख, कृषि ,उद्योग ,पर्यटन तथा सहकारी क्षेत्रका लागि ५७ लाख ३० हजार बजेट बिनियोजन गरेको छ ।
यस्तै शिक्षा, स्वास्थ्य , खानेपानी क्षेत्रको लागि ९८ लाख ९० हजार रुपैया बजेट बिनियोजन गरेको छ ।
यसैबिच गुल्मीको छत्रकोट गाउपालीकाले आर्थिक वर्ष २०७६ ७७ को बजेट गाउसभामा पेश गरेको छ ।
गाउपालीका उपाध्यक्ष नर्मदा भण्डारीले ३६ करोड ७२ लाख २५ हजार ५ सय ९७ रुपैया ५० पैसा बराबरको अनुमानीत बजेट गाउसभामा पेश गर्नुभएको हो ।
गाउपालीकाले आर्थिक बिकास तर्फ ३ करोड २५ लाख ७० हजार बजेट बिनियोजन गरेको छ । यस्तै समग्र पुर्वाधार क्षेत्रको बिकास को लागि ५ करोड ९६ लाख ९० हजार बजेट बिनियोजन गरेको छ ।
यस्तै सामाजिक बिकासको लागि ३ करोड १६ लाख ९० हजार बजेट बिनियोजन गरेको छ ।
यसैबिच गुल्मीको रुरु गाउपालीकाले पनि आर्थिक वर्ष २०७६ ७७ को बजेट गाउसभामा पेश गरेको छ । गाउपालीका उपाध्यक्ष लक्ष्मी पन्तले ३७ करोड १६ लाख १८ हजार बराबरको अनुमानीत बजेट गाउसभामा पेश गर्नुभएको हो ।
यस्तै गुल्मीको मदाने गाउपालीकाले पनि आर्थिक वर्ष २०७६ ७७ को बजेट गाउसभामा पेश गरेको छ । गाउपालीका उपाध्यक्ष सरिता खड्काले ४० करोड ६६ लाख ७० हजार बराबरको अनुमानीत बजेट गाउसभामा पेश गर्नुभएको हो ।
गुल्मीको इस्मा गाउँपालिकाले पनि आर्थिक बर्ष २०७६ ७७ को बजेट तथा कार्यक्रम प्रस्तुत गरेको छ । गाउँपालिका उपाध्यक्ष बिमला खत्रीले ३३ करोड ५५ लाख ५२ हजारको बजेट गाउँसभामा पेश गर्नुभएको हो ।