युगराज बस्याल,
गुल्मी असार १२
गुल्मीको रुरु गाउपालीकाले संचालन गरेको गाउपालीका स्तरिय बाख्रापालन पाठशाला सम्पन्न भएको छ ।
गाउपालीकाको आयोजनामा गत चैत ५ गतेदेखि असार १२ गतेसम्म ग्वादी चौरमा संचालीत पाठशाला समापन गरिएको हो । पाठशालामा बोयर जातका बाख्रा बिस्तार गर्दै रुरु गाउपालीकालाई मासुमा आत्मनिर्भर बनाउने पशुशाखा प्रमुख हिमलाल पाण्डेयले जानकारी दिनुभयो ।
समापन समारोहको अध्यक्षता वडाका कार्यवाहक अध्यक्ष रिता बरालले गर्नुभएको थियो ।
गाउपालीका अध्यक्ष तथा कार्यक्रमका प्रमुख अतिथि निलकण्ठ गौतमले तालिम सफल भएको बताउदै ग्वादीलाई बोयर जातको बाख्राको केन्द्र बनाउने बताउनुभयो ।
गाउपालीका उपाध्यक्ष लक्ष्मी पन्तले तालिमलाई ब्यवहारीक रुपमा लागु गर्न आग्रह गर्नुभयो ।
वडा नम्बर ५ का बडा अध्यक्ष हरि प्रसाद ज्ञवालीले यहाको सिप अन्य वडामा पनि पुर्याउनु पर्ने बताउनुभयो ।
वडा सचिव बेद बहादुर कुवरले ग्वादीमा बाख्रापालन व्यवस्थित भएको बताउनुभयो ।
सहभागि माधव ज्ञवालीले सिकाइ राम्रो भएको बताउदै घासको सिंचाइको आवश्यकता रहेको बताउनुभएको थियो ।
यस्तै अर्का सहभागि भुमीका श्रेष्ठले धन्यावाद ज्ञापन गर्नुभएको थियो ।
कार्यक्रममा बिनोद ज्ञवालीले स्वागत गर्नुभएको थियो भने कार्यक्रमको सन्चालन केयुबिकेका जिबन मिश्रले गर्नुभएको थियो ।
यसै अबसरमा रुरु गाउपालीकाले बोयर जातका बाख्रा बिस्तारको लागि प्रत्येक वडामा ५० प्रतिशत अनुदानमा १४ वटा बोका बितरण गरेको छ ।
वडा नम्बर एक रुरुमा कृष्ण बहादुर पौड्याल र दिपक ज्ञवालीलाई, वडा नम्बर २ ग्वादीमा ठग बहादुर बिक र दिपक अर्याल, वडा नम्बर ३ थानापतिमा गोपाल सिंह नेपाली र मिना नेपालीलाई , वडा नम्बर ४ बलेटक्सारमा सिता पन्थ, लेख बहादुर क्षेत्री र फर्सुराम ज्ञवालीलाई , वडा नम्बर ५ बम्घामा पदम रजाली र बाबुराम ज्ञवालीलाई र वडा नम्बर ६ रिमुवामा यम बहादुर बुचा ,बजाली बाख्रा समुह र चिन्तामणि बस्नेतलाई बोका बितरण गरिएको हो ।
यस्तै गाउपालीकामा अहिले तयारी अबस्थामा ३० वटा बोयर जातका र ८० साना बाख्राहरु रहेका छन ।
गाउपालीका भरि करिब पाच हजार बोयर जातका बाख्राहरु रहेका छन ।
उक्त बाख्राहरु गाउपालीकाले अर्घाखाची ,पाल्पा, रोल्पा ,रुकुम ,सल्यान ,दाङ, सप्तरी र गुल्मीका बिभिन्न ठाउमा बितरण गर्दै आइरहेको छ ।
