युगराज बस्याल, गुल्मी ,
असार १३ –
छत्रकोट गाउपालीका गुल्मीले धुवा रहित सुधारिएको चुलो र सोलार सेट बितरण गरेको छ ।
पुर्ण अनुदानमा बिपन्न दलित तथा जनजातीलाई सुधारिएको चुलो र सोलार सेट बितरण गरिएको हो ।
एक कार्यक्रमका बिच आज गाउपालीका अध्यक्ष मधुकृष्ण पन्त , प्रमुख प्रशासकिय अधिकृत मधुकृष्ण पौडेल , बडा अध्यक्षहरु डिलाराम न्याउपाने, तेजकान्त अर्याल, तथा वडा सदस्यहरुको उपस्थितिमा ३ सय थान सुधारिएको चुलो र २ सय थान २० वाट क्षमताको बत्ती बल्ने सोलार सेट बितरण गरिएको हो ।
सुधारिएको चुलो र सोलार सेट करिब ४१ लाख बराबरको रहेको छ ।
यसैबिच गाउपालीका भरिका काठका बिजुलीका पोल बिस्थापनको लागि बिद्युत प्राधिकरणबाट गाउपालीका मार्फत ३ करोड ६७ लाख रुपैया बराबरको स्टीलका पोल फेर्ने कामको पनि ठेक्का भइसकेको छ ।
यस्तै दौघा, पल्लिकोट , धरमपानी लिफ्टिङ खानेपानी योजनाको लागि बिद्युत पुर्याउन १ करोड २० लाख रुपैयाको टान्सफर्मर, पोल लगायत का सामाग्री खरिद प्रक्रिया अगाडि बढेको पनि गाउअध्यक्ष मधुकृष्ण पन्तले जानकारी दिनुभएको छ ।
