रामकृष्ण कडेल, असार १३ गुल्मी।
समयमै सचेत रहौ एचआईभी एड्स बाट बचौ र बचाऔ भन्ने मुल नारा र एचआईभी बाट संक्रमीत आमा बाट बच्चालाई सर्न बाट बचाउने उद्देश्य का साथ गुल्मी जिल्लाका विभिन्न स्वास्थ्य संस्थामा कार्यरत २१ जना सेवा प्रदायक स्वास्थ्यकर्मीहरुलाइ PMTCT (prevention of mother to child transmission of HIV) तालिम प्रदान गरिएको छ।
रेसुङ्गा नगरपालिका स्वास्थ्य शाखा गुल्मिको आयोजनामा बिहिवार र शुक्रबार गरि दुई दिन सम्म चलेको तालिम मालिका गाउँपालिकाको मरभुङ स्वास्थ्य चौकीमा आयोजना गरिएको थियो।
PMTCT सेवा भनेको एउटा वृस्तित सेवा भएको र यो सेवामा HIV संक्रमणको रोकथाम , संक्रमीत महिलाहरूमा नचाहेको गर्भको रोकथाम संक्रमीत महिला बच्चा र परिवारको उपचार स्याहार , आमाबाट बच्चामा सर्ने HIV को संक्रमण उल्लेखनीय ढंगले घटाउन र लक्ष्य हासिल गर्न PMTCT सेवालाइ वृस्तित जनस्वास्थ्य कार्यक्रमको रुपमा हेरि सोही अनुसार कार्य गर्न पनि तालिम आयोजना गरिएको प्रशिक्षकहरुले बताउनु भएको थियो ।
कार्यक्रमको प्रशिक्षण रेसुङ्गा नगरपालिकाका स्वास्थ्य शाखा प्रमुख कृष्ण पन्थी , जिल्ला स्वास्थ्य कार्यालय गुल्मिका हेल्थ असिस्टेन्ट अधिकृत पशुपति आचार्य र HIV फोकल पर्सन शिशिर सिलवालले गर्नुभएको थियो।
शुक्रवार समापन गरिएको कार्यक्रममा मरभुङ स्वास्थ्य चौकिका सिनियर अहेव हिम बहादुर पौडेलको सभापतित्व रहेको थियो ।
समापन कार्यक्रममा बोल्दै रेसुङ्गा नगरपालिका स्वास्थ्य शाखा प्रमुख कृष्ण पन्थिले दुइदिन सम्म प्रदान गरिएको तालिम बाट सिकेका कुराहरु आ आफ्नो स्वास्थ्य सस्थामा गइ ब्यवाहारमा लागू गर्नुपर्ने बताउदै प्रशिक्षकहरु लाई धन्यवाद दिनुभएको थियो ।
सहभागीको तर्फबाट बोल्दै दरबार देबिस्थान स्वास्थ्य चौकिका अहेव रामकृष्ण कडेलले यो तालिमपछि विशेष गरि संक्रमित आमाबाट बच्चामा HIV सर्ने जोखिम घटाउन समयमै PMTCT सेवा प्रदान गर्नुपर्ने भएकोले आफुहरुले सिकेका कुराहरु ब्यवहारमा लागु गर्ने प्रतिबद्धता व्यक्त गर्दै आगामी दिनमा पनि यस्ता तालिमहरुको आयोजना हुनेमा आशावादी रहेको बताउनु भएको थियो ।
कार्यक्रमको संचालन प्रशिक्षक पशुपति आचार्यले गर्नुभएको थियो ।
