असार १६,
बिभिन्न स्थानमा भएका छुट्टाछुट्टै दुर्घटनामा ४ जनाको ज्यान गएको छ ।
नवलपरासीको कावासोतीमा ट्रकले मोटरसाईकललाई ठक्कर दिँदा दुई जनाको ज्यान गएको छ ।
सोमबार बिहान पूर्व(पश्चिम राजमार्ग अन्तर्गत नवलपरासीको कावासोती ८ खरकट्टा जंगलमा लु २ ख १० नम्बरको ट्रकले लु ४८ प ३६२५ नम्बरको मोटरसाइकललाई ठक्कर दिँदा मोटरसाइकल चालक रुपन्देही देवदह नगरपालिका ७ का २७ वर्षीय मिलन भट्टराई र मोटरसाइकल पछाडी बस्ने ३३ वर्षीय तारा पोखरेलको मृत्यु भएको हो ।
दुर्घटनामा गम्भिर घाइते भएका दुवैजनाको उपचारको क्रममा कालिगण्डकी अस्पताल कावासोतीमा मृत्यु भएको प्रहरीले जनाएको छ ।
यस्तै
भक्तपुरको राधे -राधे चोकमा ट्रिपरको ठक्करबाट एक जनाको ज्यान गएको छ ।
आइतबार राती काठमाण्डौबाट भक्तपुर गइरहेको टिपरले त्यतैतर्फ गइरहेको मोटरसाइकललाई ठक्कर दिँदा मोटरसाइकल चालकको ज्यान गएको हो ।
ठक्करबाट मोटरसाइकल चालक सोलुखुम्बु जिल्ला सोलु पंचनका प्रेमबहादुर राईको ज्यान गएको हो ।
ठक्करबाट गम्भीर भाइते राईलाई मध्यपुर अस्पताल लगिएकोमा उपचारकै क्रममा मृत्यु भएको महानगरीय प्रहरी परिसर भक्तपुरका प्रहरी नायव उपरीक्षक रेवतीरमण पोखरेलले जानकारी दिनुभयो ।
यस्तै चितवनमा ट्रक र मोटरसाइकल ठोक्किँदा एकजनाको ज्यान गएको छ । एकजना घाइते भएका छन् ।
नारायणगढबाट काठमाण्डौको लागि छुटेको ना ५ ख २६ ५९ नम्बरको ट्रक र काठमाण्डौबाट चितवनका लागि छुटेको बा ८० प ८६ ५७ नम्बरको मोटरसाईकल भरतपुर महानगरपालिका २९ खहरेपुलमा ठोकिँदा मोटरसाइकल चालक मोरङको हरैँचाका राजेन्द्र चौधरीको ज्यान गएको हो ।
घाइतेको पुरानो मेडिकल कलेज चितवनमा उपचार भइरहेको प्रहरीले जनाएको छ ।
यस्तै डोटीको पश्चिमी क्षेत्रमा पर्ने आदर्श गाउँपालिकामा सोमवार बिहान भएको जीप दुर्घटनामा ६ जना घाइते भएका छन् ।
आदर्श गाउँपालिकाबाट सायल गाउँपालीकाका लागि छुटेको से १ च ९१७ नम्बरको जिप आदर्श गाउँपालिका ७ साइली गाड नजिक गजेडा भन्ने ठाँउमा सडकबाट तल खस्दा दुर्घटना भएको जिल्ला प्रहरी कार्यलय डोटीले जनाएको छ ।
भिरालो तथा चिप्लो सडक भएका कारण दुघटना भएको हुनसक्ने प्रहरीको अनुमान रहेको छ ।
