मनोज कार्की
असार १७ गुल्मी
छत्रकोट गाउँपालिका वडा न ३ लुम्छा गुल्मीमा मगंलबार देखि ३ दिने महिलाहरुलाइ लक्षित गरि नेतृत्व बिकास तथा उदघोषण तालिम सुरु भएको छ ।
छत्रकोट गाउँपालिका गाउँ कार्यपालिकाको आयोजनामा तालिम सन्चालन गरिएको हो ।
२१ औ शताब्दीमा पनि महिलाहरु चुलोचौकोमा सिमित हुने, कुनै समाजमा भएका कार्यक्रमहरुमा महिलाहरु खुलेर आफ्नो परिचय दिन नसक्ने, सबै महिलाहरुलाइ सामाजिक काममा अग्रसरता गराउन र परिचय दिनको लागि तालिम आयोजना गरिएको छत्रकोट गाउँपालिकाले जनाएको छ ।
छत्रकोट गाउँपालिकाकी उपाध्यक्ष तथा कार्यक्रमकि प्रमुख अतिथि नर्मदा भण्डारीले तालिम मा बोल्दै महिलाले नै देश चलाएको देखिन्छ तर हाम्रो समाज अझै अन्धो छ महिलालाइ समाजले हेर्ने दृश्य फरक देखिने र महिला अब घरगोठको काममा मात्र नभइ समाजमाहुने कार्यक्रम पनि महिलाहरु तालिम समाप्त पछि सहभागिता संगै खुलेर परिचय दिन सहभागी महिलाहरुलाई आग्रह गर्नुभएको छ ।
त्यस्तै कार्यक्रममा छत्रकोट गाउँपालिका वडा न ३ का वडा सदस्य तथा नेतृत्व बिकास तालिम कार्यक्रमका सभापति बाबुराम अर्यालले बोल्दै अब यो तालिम पछाडी महिलाहरु वडामा भए गरेका योजना तथा कार्यक्रमको बारेमा बुझ्न र बैठक सभामा उपस्थित रहने अपेक्षा राखेको बताउनु भयो ।
तालिममा महिलाहरुलाइ नेतृत्व बिकास , उदघोषण तालिम, महिला हक अधिकार लगाएतका विषयबस्तु बारेमा प्रशिक्षण दिने प्रशिक्षकले बताएका छ्न ।
रुरु एफ एमका स्टेशन म्यानेजर युगराज बस्याल र पत्रकार मनोज कार्कीले तालीमको सहजीकरण गर्नुभएको छ ।
कार्यक्रममा जिल्ला समन्वय समिती सदस्य गंगा पन्थ , गाउँपालिकाका प्रशासकीय प्रमुख मधुकृष्ण पौडेल , वडा सदस्य पुष्पा सार्की, गुमान सिंह पुन लगाएत समाजसेवी बुद्धिजिबि हरुको उपस्थिति रहेको थियो । वडा न ३ बाट तालिममा ३० जना महिलाको सहभागिता रहेको छ ।
तालिम उद्घाटन कार्यक्रमको स्वागत मन्तव्य गुमान सिंह पुनले राख्नु भएको थियो ।
यो तालिममा सहभागी नभएका महिलाहरुलाइ विभिन्न तालिममा अग्रसर गराउने बताइएको छ ।
