अनिल खत्री
१८ असार, गुल्मी –
गुल्मीको धुर्कोट गाउँपालिका मासुमा उत्पादन आत्मनिर्भर गाउँपालिका घोषणा बनेको छ ।
गाउँपालिका भित्र ७ वटै वडाका कृषकहरु मासु उत्पादनमा व्यवसायिक रुपमै लागेपछि गाउँपालिका मासु उत्पादनमा आत्मानिर्भर गाउँपालिका घोषणा बनेको हो ।
प्रदेश ५ का भूमि व्यवस्था कृषि तथा सहकारी मन्त्री आरती पौडेलले एक कार्यक्रमका बिच धुर्कोट गाउँपालिकालाई मासु आत्मा निर्भर गाउँपालिका घोषणा गरेकी हुन् ।
आफुहरु जनप्रतिनिधी भएको २ वर्षदेखि गरिएको प्रयासले धुर्कोटलाई खसी बोका र कुखुरा पालनमा कृषकहरुलाई प्रोत्साहित गरेर मासुमा आत्मा निर्भर गराउन सफल भएको धुर्कोट गाउँपालिका प्रमुख भुपाल पोखरेलले बताए ।
किसानका लागि उन्न बिउ बिजन (केयुबिके) को आर्थिक सहयोग मार्फत जनविकास केन्द्र गुल्मीले बाख्रा पालन कार्यक्रम गत २ वर्षदेखि सञ्चालन गरेपछि मासु उत्पादनमा आत्मा निर्भर भएको हो ।
धुर्कोट गाउँपालिका पशु शाखा स्वस्थ्य प्रमुख श्यामबहादुर कार्कीका अनुसार धुर्कोटमा ३० हजार ९ सय ८७ जनसंख्या रहेको छ ।
जस अनुसार प्रति महिनामा प्रति व्यक्ति १५ दशमलव ४८ केजी मासु उत्पादन हुन्छ । एक जना व्यक्तिलाई १ दशमलव २९ केजी मासिक मासुको आबश्यक पर्ने गर्दछ । राष्ट्रिय मापदन्ड अनुसार प्रतिव्यक्ति वार्षिक १४ केजी मासुको आबश्यक पर्दछ ।
प्रतिव्यक्ति १ किलो ४८ ग्राम मासु धुर्कोटबाट बाहिर निर्यात हुने गरेको छ । यस कारणले धुर्कोट मासुमा आत्मा निर्भर गाउँपालिका घोषणा भएको हो ।
मासु उत्पादन घोषण सभामा प्रर्दशनका लागि ६३ वटा खसी बोका ल्याइएको थियो । प्रर्दशनमा राखिएका मध्ये एकैदिन १८ सय किलो खसी बोकाको मासु बिक्री भएको थियो ।
बिक्री भएका खसी बोकाको मासुबाट ७ लाख २७ हजार १ सय रुपैयाँको मासु बिक्री भएको थियो ।
गाउँपालिकाले २० केजी देखि २५ केजीसम्मको खसी बोकाको जिउदो मुल्य ३ सय ४० रुपैयाँ, २५ केजी देखि ३५ केजीसम्म ४ सय रुपैयाँ, ३५ केजी देखि ५० केजीसम्मको ४ सय १० रुपैयाँ र ५० केजी देखि माथीको मुल्य ४ सय ४० रुपैयाँ तोकेको छ ।
