धादिङ
१९ असार,
धादिङमा मिनी ट्रक दुर्घटना हुँदा एकजनाको मृत्यु भएको छ । ३ जना घाइते भएका छन् ।
धादिङ को ज्वालामुखी गाउँपालिका९६ काउलेडाँडा मा मिनी ट्रक दुर्घटना हुँदा एकजनाको मृत्यु भएको हो ।
धादिङबेशीबाट ढकाल गाउँतर्फ जाँदै गरेको ट्रक बिहीबार दिउँसो कच्ची सडकखण्डमा दुर्घटना हुँदा सोही ठाउँका ३६ वर्षीय कृष्ण रम्तेलको मृत्यु भएको जिल्ला प्रहरी कार्यालय धादिङले जानकारी दिएको छ ।
घाइते हुनेहरुमा ज्वालामुखी गाउँपालिका ६ कै २२ वर्षीया बिनु सुनार, उनकी २ वर्षीया छोरी कपिज सुनार र २५ वर्षीय दिवाकर ढकाल रहेका छन् ।
बिनुको दुबै खुट्टामा चोट लागेको छ उनीकी छोरी भने सामान्य छन् । ढकालको दुबै खुट्टा र दाहिने हातमा चोट लागेको छ । उनीहरुको जिल्ला अस्पताल धादिङमा उपचार भइहेको प्रहरीले जनाएको छ ।
ट्रक उकालो कच्ची सडक चढ्ने क्रममा ब्रेक फेल भइ सडकको भित्तामा ठोकिएर दुर्घटना भएको प्रहरीको भनाइ छ ।
यस्तै
अर्घाखाची जिल्लाको सुपा देउराली नजिकै जिप दुर्घटना हुदाँ तीन जनाको मृत्यु भएको छ । मृतक मध्ये २ जनाको सनाखत भएको छ ।
गोरूसिंगे सन्धिखर्क सड्क अन्तर्गत अर्घाखाचीको जिल्लाको सन्धिखर्क नगरपालिका ७ सुपादेउराली मन्दिर नजिकै लु १ ज १३२९ नम्बरको जिप दुर्घटना हुदाँ २ जनाको घटनास्थलमै मृत्यु भएको हो ।
त्यस्तै एक जनाको उपचारका क्रममा ठाडा प्राथमिक स्वास्थ्य केन्द्रमा मृत्यु भएको जिल्ला प्रहरी कार्यालय अर्घाखाचीका प्रमुख प्रहरी नायव उपरिक्षक प्रकाश विष्टले जानकारी दिए । मृत्यु हुनेमा भुमिकास्थान ३ का सुमन्त भुसाल र मालारानी ३ का रुद्र प्रसाद भुसाल रहेका छन । भने अर्का एक जनाको परिचय खुलेको छैन ।
गम्भिर घाईते ३ महिला र १ पुरुष लाई उपचारका लागि वुटवल पठाइएको छ । मृत्यु हुनेमा तिनै जना पुरूष रहेको प्रहरीले जनाएको छ ।
मृत्यु हुने भुमिकास्थान ३ का सुमन्त भुसाल गाडी धनी र चालक भएको बुझिएको छ । जिप सड्कबाट ३ सय ५० मिटरभन्दा तल खोलामा खसेको छ । उक्कालो र अप्ठारो सडक भएकाले दुर्घटना भएको हुन सक्ने प्रहरीले अनुमान गरेको छ ।
