राधा पोख्रेल
गुल्मी असार १९
गुल्मीको छत्रकोट गाउपालीकाले आयोजना गरेको ३ दिने महिला नेतृत्व तथा उद्धघोषण तालीम बिहिबार सम्पन्न भएको छ ।
छत्रकोट गाउपालिका वडा नम्बर ३ लुम्छामा तालिमको आयोजना गरिएको थियो ।
महिलाहरुलाई खुलेर परिचय दिन, कार्यक्रम सन्चालन गर्न सक्ने बनाउन, आफ्ना कुरा ढुक्क भएर राख्न सक्ने हुन, हक अधिकारको बारेमा बुझ्न तालिमको आयोजना गरिएको छत्रकोट गाउपालीकाले जनाएको छ ।
समापन समारोहको प्रमुख अतिथि जिल्ला समन्वय समिति गुल्मीकी सदस्य गंगा पन्थ हुनुहुन्थ्यो । कार्यक्रममा बोल्दै उहाले हरेक महिलाहरुको वडा देखि गाउपालीकामा हुने कार्यक्रममा सहभागिता कम हुने बताउनुभयो ।
उहाले खुलेर बोल्न नसक्ने, चुलो चौको ,मेलापात मात्र गरेर दिन कटाउने महिलाहरुको लागि यो तालिम उपयोगि हुने बताउनुभएको थियो ।
यस्तै उहाले तालिमको सदुपयोग गर्न पनि आग्रह गर्नुभएको थियो ।
समापन कार्यक्रममा सहभागिको तर्फबाट लक्ष्मी अर्याल, लक्ष्मी पन्थ, गिता भुषाल लगायतले मन्तब्य राखेका थिए ।
कार्यक्रमका सहभागिहरुले प्रशिक्षण राम्रो भएको बताएका थिए । उनिहरुले तालिममा सिकेको कुरालाई व्यवहारमा लागु गर्ने समेत बताएका थिए ।
तालिमको सहजिकरण रुरु एफएमका स्टेशन म्यानेजर युगराज बस्याल र पत्रकार मनोज कार्कीले गर्नभएको थियो ।
वडा सदस्य बाबुराम अर्यालको स्वागत मन्तव्यबाट सुरु भएको कार्यक्रमको सन्चालन मेघलाल पाण्डेले गर्नुभएको थियो ।
तालिममा ३२ जना महिलाहरुको सहभागिता रहेको थियो ।
