काठमाडौ,
असार २० –
स्वास्थ्यका कर्मचारी स्थानीय तहमा नपुग्दा स्वास्थ्य सेवा प्रभावित भएको छ ।
समायोजन पछि पनि उनिहरु थानीय तहमा नपुग्दा स्वास्थ्य सेवा प्रभावित भएको हो ।
स्वास्थ्यका कर्मचारी स्थानीय तहमा पठाएपछि नागरिकले स्वास्थ्य उपचारमा सजिलै पहुँच पाउछन भन्दैसरकारले कर्मचारी समायोजन गरेपनि तीन महिनासम्म कर्मचारी नपुगेका हुन् ।
अहिले देशैभरका स्वास्थ्य संस्थामा कर्मचारीको अभाव भएका कारण सेवाग्राहीले चाहेजस्तो उपचार पाउन नसकेको गुनासो गरेका छन ।
समायोजनको क्रममा कर्मचारीको आन्दोलन र सरकारको प्राविधिक त्रुटिका कारण स्वास्थ्य समूहका कर्मचारी समायोजनको सूची नै ढिलो सार्वजनिक गरिएको थियो ।
स्वास्थ्य समूहका कर्मचारीलाई तोकिएको ठाउँमा खटाउनका लागि एक हप्तादेखि मात्र पत्र वितरण सुरु गरिएको स्वास्थ्य तथा जनसङ्ख्या मन्त्रालयका प्रवक्ता महेन्द्र श्रेष्ठले जानकारी दिनुभयो ।
समायोजनमा परेका कर्मचारी नपुग्दा नागरिकको स्वास्थ्य उपचारमा प्रभाव परेको छ भने प्रत्येक स्थानीय तहलाई एक विशेषज्ञ सहितको स्थानीय तह बनाउने सरकारको योजना कार्यान्वयनमा पनि समस्या भएको छ ।
