प्युठानै असार २१
प्युठानमा जिप दुर्घटना हुँदा एक जना को मृत्यु भएको छ।
प्युठान को सरुमारानी गाउँपालिका–४ सालडाँडामा शनिबार बिहान रोल्पाको सुलिचौरबाट भालुवाङतर्फ जाँदै गरेको पाण्डेश्वरी यातायात प्रालिको जिप दुर्घटना भएको हो ।
दुर्घटनामा चालक प्युठान नगरपालिका–१ दाखाक्वाडीका ३३ वर्षीय चन्द्रबहादुर नेपालीको घटनास्थलमै मृत्यु भएको जिल्ला प्रहरी कार्यालय प्युठानका डिएसपी निर्मल बुढाथोकीले जानकारी दिनुभयो।
प्रहरीका अनुसार गाडीमा चालक मात्र थिए। घटनाको विस्तृत अध्ययन भइरहेको प्रहरीले जनाएको छ।
यस्तै
काठमाण्डौको बबरमहलमा ट्याक्सीले स्कूटरलाई ठक्कर दिँदा एक जनाको ज्यान गएको छ ।
ट्याक्सीले ठक्कर दिँदा स्कुटर पछाडि बसेका दीपक थापाको ज्यान गएको हो ।
शनिबार बिहान २ बजेतिर बा २ ज ११८८ नम्बरको ट्याक्सीले बा ८३ प ४०३५ नम्बरको स्कूटरलाई ठक्कर दिँदा स्कुटर पछाडि बसेका ओखलढुंगाको सुनकोशी गाउँपालिका–८, का दीपक थापाको घटनास्थलमै ज्यान गएको प्रहरीले जनाएको छ ।
घाइते भएका स्कूटर चालक काभ्रे पनौती–१०, का २२ वर्षीय रोहितसिंह ठकुरीको अन्नपूर्ण न्यूरो अस्पतालमा उपचार भैरहेको छ ।
