रैनादेबी छहरा गाँउपालिका १ सिद्देश्वर पाल्पामा झाडा पखाला फैलिएको छ ।
अबिरल बर्षाका कारण खानेपानीको मुल दुषित भएको र दुषित खानेपानी खाएर झाडा पखाला फैलिएको हुन सक्ने वडा अध्यक्ष सोम बहादुर दर्लामीले बताउनु भयो ।
झाडा पखालाका कारण ५५ जना बिरामी परेका छन । बिरामी मध्ये २ जनाको अवस्था गम्भीर भएको बताईएको छ । बिरामी मध्ये केहिको मिसन अस्पताल पाल्पामा, स्थानिय मेडिकलमा उपचार भैरहेको छ । सामान्य बिरामीको स्थानिय बेदबेदाङ्ग माध्यमिक बिध्यालयमा उपचार गरिएको छ ।
झाडा पखाला फैलिएको खबर पाएपछि गाँउपालिकाको स्वास्थ्य टोली औषधि सहित झाडा पखाला प्रभाबित क्षेत्रमा शुक्रबार नै पुगि उपचार सुरु गरेको र झाडा पखालाको प्रकोप नियन्त्रणमा आएको रैनादेबी छहरा गाँउजालिकाको प्रमुख प्रशासकिय अधिकृत ज्ञानुराम पन्थीले बताउनु भयो ।
बिरामीको उपचारको लागि स्वास्थ्य कार्यालय पाल्पाको टोली पनि औषधि सहित झाडा पखाला प्रभाबित क्षेत्रमा रहेको प्रमुख प्रशासकिय अधिकृत ज्ञानुराम पन्थीले बताउनु भयो । झाडा पखाला बाट मग्रानका स्थानिय बढि प्रभाबित भएका छन । केहि बर्ष पहिले पनि सोहि स्थानका नागरिक झाडा पखाला बाट बिरामी परेका थिए ।
रैनादेबी छहरा गाँउपालिकाले पानी उमालेर मात्र खान र गाँउपालिकाकको अन्य स्थानका नागरिक लाई पनि सचेत रहन आग्रह गरेको छ । कहि कुनै पनि समस्या देखिएमा तुरुन्त गाँउपालिकामा खबर गर्न आग्रह गरेको छ ।
