पाल्पाको सिद्धबाबा मन्दिर नजिकै पहिरोसँगै खसेर एक युवक भीरमा अडिकएका छन्।
उनले चलाएको मोटरसाइकल सडकभन्दा तल खोलामा पुगेको छ। बुटवल पाल्पा सडकखण्ड अन्तर्गत हेडबक्स नजिक
माथिबाट खसेको ढुंगासँगै खसेको पहिरोले उनलाई बगाएको थियो। पहिरो खसिरहेकोले अहिलेसम्म युवकको उद्धार हुन सकेको छैन्।
माथिबाट पहिरो खस्ने क्रम चलिरहेकाले उद्धारमा कठिनाई भएको दोभान प्रहरी चौकीका प्रमुख प्रहरी नायव निरीक्षक बालबहादुर घर्तिमगरले बताए। उनका अनुसार सिद्धार्थ राजमार्ग पूर्ण रुपमा अवरुद्ध छ। अहिले जिल्ला प्रहरी कार्यालय र प्रदेश ट्राफिक कार्यालयबाट आएको प्रहरी परिचालन भइरहेको छ। अप्ठ्यारो भीर र पहिरो खसिरहेकोले उद्धार हुन सकेको छैन। घट्नाबारे थप विवरण आउन बाँकी रहेको प्रहरी नायव निरीक्षक घर्तीमगरले बताए। उनका अनुसार भीरमा अड्किएका युवकको अवस्था र पहिचान खुल्न सकेको छैन्। साथै मोटरसाइकलको नम्बरसमेत खुलेको छैन्।
