गुल्मीदरबार गाँउपालिका वडा नम्बर २ जुभुङ्ग गुल्मीको अमिलेबोट खानेपानी योजना साउन १ गते बाट सुभारम्भ गरिएको छ ।
खानेपानी सुभारम्भ समारोहमा प्रदेश सांसद गीता थापा, वडा अध्यक्ष हरिहर गौतम खानेपानी तथा सरसफाई डिभिजन कार्यालयका
प्रमुख अनुज उपाध्याय, खानेपानी तथा सरसफाई डिभिजन कार्यालयका कमल पन्थ, नेकपा जिल्ला सदस्य असोक थापा अमिलेबोट
खानेपानी योजनाको उपभोक्ता समितिका अध्यक्ष बुद्धिमान गाहा लगाएतको सहभागिता रहेको थियो ।
अमिलेबोट खानेपानी योजना पन्चे बाजा बजाएर पन्चकन्या लाई हस्तान्तरण गरिएको थियो । खानेपानी योजनाको ६ किलोमिटर
ट्रासमिसन लाईन सम्पन्न भई डेढ लिटर प्रति सेकेण्डको बहाबमा पानी ताङ्लाजी घुर्मिमा पानी सन्चालन भएको
खानेपानी तथा सरसफाई डिभिजन कार्यालयका प्रमुख अनुज उपाध्यायले बताउनु भयो ।
अमिलेबोट खानेपानी योजनाको करिब ४० लाख रुपयाको काम सम्पन्न भएको छ । अब २ वटा इन ट्याङ्क निर्माण सम्पन्न गरि
१ घर १ धारा कार्यक्रम सम्पन्न हुने छ । बाँकीकामको लागि करिब ४० लाख लागत अनुमान गरिएको छ ।
अनुमानित रकम प्रदेश सरकार बाट बिनियोज भइसकेको प्रदेश सांसद गीता थापाले बताउनु भएको थियो ।
अमिलेबोट खानेपानी योजना आर्थिक बर्ष २०७६ ७७ मा सम्पन्न गर्ने लक्ष्य रहेको खानेपानी तथा सरसफाई डिभिजन कार्यालयका इन्जिनियर कमल पन्थले बताउनु भयो ।
अमिलेबोट खानेपानी योजना सम्पन्न भए पछि गुल्मीदरबार गाँउपालिका वडा नम्बर २ जुभुङ्ग गुल्मीका करिब १ सय घर प्रतक्ष लभान्वित हुने स्थानिय समाजसेबी कमल थापाले बताउनु भयो ।
