काठमाडौ,
साउन ५ –
देशभरका ७ सय ५३ स्थानिय तह मध्ये ७ सय ३० वटा स्थानिय तह मा वाणिज्य बैंकका शाखा पुगेका छन् । अब २३ वटा स्थानिय तहमा मात्रै वाणिज्य बैंकका शाखा पुग्न बाँकी रहेको र ती स्थानिय तह मा पनि छिटै खोलिने नेपाल राष्ट्र बैंकले जनाएको छ ।
राष्ट्र बैंकले सार्वजनिक गरेको आर्थिक वर्ष २०७५ ७६ को देशको वर्तमान आर्थिक तथा वित्तिय स्थितिले प्रदेश पाँच का सबै स्थानिय तहमा वाणिज्य बैंकका शाखा पुगेको जनाएको छ ।
प्रदेश पाँचका १ सय ९ मध्ये सबै स्थानिय तहमा वाणिज्य बैंकका शाखा पुगेका छन् ।
यस्तै कर्णाली प्रदेशका १० वटा स्थानिय तहमा अझै बैंकका शाखा पुगेका छैनन् । कर्णालीका ७९ वटा स्थानिय तह मध्ये अहिलेसम्म ६९ स्थानिय तहमा मात्रै बैंकका शाखा पुगेका छन् ।
यस्तै, प्रदेश एक का १ सय ३७ मध्ये १ सय ३६ स्थानिय तहमा, प्रदेश २ का १ सय ३६ मध्ये १ सय ३४ स्थानिय तहमा बैंक पुगेका छन् ।
यस्तै प्रदेश ३ का १ सय १९ मध्ये १ सय १७ स्थानिय तहमा, गण्डकी प्रदेशका ८५ मध्ये ८३ स्थानिय तहमा र सूदूरपश्चिमका ८८ मध्ये ८२ वटा स्थानिय तहमा बैंकका शाखा पुगेका छन् ।
नेपाल राष्ट्र बैंकबाट इजाजत प्राप्त बैंक तथा वित्तीय संस्थाहरुको संख्या २०७५ असार मसान्तमा १ सय ५१ रहेकोमा २०७६ जेठ मसान्तमा १ सय ७६ पुगेको छ ।
अहिले २८ वाणिज्य बैंक, ३२ विकास बैंक, २४ वित्त कम्पनी, ९१ लघुवित्त वित्तीय संस्था र १ पूर्वाधार विकास बैंक सञ्चालनमा रहेका छन् ।
यी बैंक तथा वित्तिय संस्थाका बैंक तथा वित्तीय ८ हजार ५ सय ६४ शाखा रहेका छन् ।
अब २३ वटा स्थानिय तहमा मात्रै वाणिज्य बैंकका शाखा पुग्न बाँकी रहेको र ती स्थानिय तह मा पनि छिटै खोलिने नेपाल राष्ट्र बैंकले जनाएको छ ।
