साउन ५,
पाल्पा –
पाल्पामा बस र मोटरसाइकल एक आपसमा ठोक्किदा दुईजना गम्भीर घाइते भएका छन् ।
सिद्धार्थ राजमार्ग अन्तरगत पाल्पाको भालेबास नजिकै बस र मोटरसाइकल एक आपसमा ठोक्किदा दुईजना गम्भीर घाइते भएका हुन् ।
आइतबार दिउँसो तानसेन नगरपालिका ८ भालेबासमा पोखराबाट बुटवलतर्फ जाँदै गरेको ग १ ख ५५२६ नम्बरको बस र विपरित दिशाबाट आउँदै गरेको लु १२ प ४७७९ नम्बरको मोटरसाइकल ठोक्किदा उक्त दुर्घटना भएको हो ।
घाइते हुनेमा बगनासकालि गाउँपालिका ३ का २३ वर्षीय सुजन न्यौपाने र गुल्मीको सत्यवती गाउँपालिका ६ का १८ वर्षीय कपिल भण्डारी रहेका छन् ।
उनीहरुको लुम्बिनी मेडिकल कलेज प्रभास पाल्पामा उपचार भइरहेको बताइएको छ ।
