साउन ८ ,
गुल्मी –
प्रदेश नम्बर ५ का सामाजिक बिकास मन्त्री सुदर्शन बराल पहिरोग्रस्त सत्यवती गाँउपालिका वडा नम्बर ३ ठुलोलुमपेकमा उद्दार र राहत बितरणमा जुट्नु भएको छ ।
हिजो राहतका सामाग्री लिएर बुटवल बाट घटना स्थल तर्फ लग्नु भएका मन्त्री बराल राती १० बजे मात्र घटना स्थल पुग्नु भएको थियो । अबिरल बर्षा र पहिरो का कारण अस्लेवा बाट पैदल यात्रा गरि स्वास्थ्य कर्मी ,रेडक्रस लगायत को टोली सहित मन्त्री बराल घटना स्थल सत्यवती गाँउपालिका वडा नम्बर ३ ठुलोलुमपेक पुग्नु भएको हो ।
उहाका अनुसार ठुलोलुमपेकमा खाद्दान्न संकट देखिएको छ । करिब १२ सय जनालाई स्थानिय बिध्यालयको कक्षा कोठामा बेन्च जोडेर स्थानियका घर बाट कम्बल बिछौना जम्मा गरेर र केहिलाई स्थानियका घरमा राखिएको छ ।
अहिले बिपतमा परेका स्थानियलाई खाना खुवाउने काम भई रहेको र सुरक्षा कर्मीको सहयोगमा खाद्दान्न जुटाई खानाको ब्यवस्था मिलाउन लागिएको पनि मन्त्री बराले बताउनु भयो । साबिकको ठुलोलुमपेक गाबिसको १,२,३,४,५,६ नम्बर वडा पहिरो बाट अतिग्रस्त भएको र ४ सय बढी घरहरु उच्च जोखिममा रहेकोले बैकल्पिक ब्यवस्ता अत्यावस्यक रहेको बताउनु भयो ।
अबिरल बर्षाका कारण पहिरोमा परि ज्यान गुमाएका तिलकुमारी तरामु,दर्शन तरामु र दुर्गा बहदुर सिंजालीकोे अन्त्यष्ठि गर्न नसकिएको बताईएको छ । पहिरोले साबिकको ठुलोलुमपेक गाबिसको १,२,३,४,५,६ नम्बर वडाका १२ घरमा अत्यधिक क्षती पुर्याएको र दर्जन बढी गोठ बगाएको छ ।
