साउन १०
गुल्मीदरबार गाँउपालिका गुल्मीका जनप्रतिनिधि र कर्मचारीको टोली पहिरो ग्रस्त सत्यवती गाँउपालिका गुल्मी प्रस्थान गरेको छ ।
हिजो जनप्रतिनिधि र कर्मचारीले आ आफ्ना तर्फ बाट रकम संकलन गरि,संकलित रकम हस्तान्तरणको लागि जनप्रतिनिधि र
कर्मचारीको टोली सत्यवती गाँउपालिका तर्फ प्रस्थान गरेको हो ।
गुल्मीदरबार गाँउपालिका गुल्मीका जनप्रतिनिधि र कर्मचारीले १ लाख ६२ हजार रुपैया राहत स्वरुप सत्यवती गाँउपालिकालाई
उपलब्ध गराउने र गाँउपालिकाको तर्फ बाट आवस्यक प्रक्रिया पुर्याएर थप सहयो गर्ने गुल्मीदरबार गाँउपालिका अध्यक्ष
अशोक थापाले बताउनु भयो ।
संकलित रकम हस्तान्तरणको लागि गाँउपालिका अध्यक्ष अशोक थापा, उपाध्यक्ष मिना भण्डारी, प्रमुख प्रसासकिय अधिकृत
लेख बहादुर बस्नेत लगायत सत्यवती गाँउपालिका प्रस्थान गर्नु भएककको छ ।
सत्यवती गाँउपालिका गुल्मीको वडा नम्बर ३ ठुलोलुम्पेकमा बिस्थपितको संख्या बढ्दै गएको छ । सोमबार पहिरो गए पछि
बर्षा नरोकिएकोले त्रासका कारण बिस्थापितको संख्या बढेको हो ।
हिजो सम्म ५ सय ४० जना विस्थापित भइएका छन् । पहिरोमा बेपत्ता सबैको शव फेला परेको छ । पहिरोमा परि अहिले सम्म
१३ जनाको मृत्यु भएको छ ।
बेपत्ताको खोजी सकिएपछि सुरक्षाकर्मी, स्थानीय प्रशासन, जनप्रतिनिधि, राजनीतिक दल विस्थापितको व्यवस्थापनमा जुटेका छन् ।
लुम्पेकसम्म पुग्ने सडक रुद्रबेणी अस्लेवा १५ किलो मिटर सडकमा ५० भन्दा बढी पहिरो गएकाले ठप्प छ ।
बुधबार देखि डोजर चलाउदा जम्मा करिब २ किलो मिटर सडक मात्र खुलेको छ । विस्थापित भएर सामूहिक रूपमा लुम्पेककै
धर्मपुर मावि र अस्लेवामा बस्दै आएका ७० घरका झन्डै ३ सय परिवारलाई खाद्यान्न संकट भएको छ ।
हेलिकप्टर बाट पुर्याईएको खनेकुरा सकिन थालेको छ । सडक अवरुद्ध हुदा संकलित राहतका सामाग्री र खाद्यान्न पुर्याउन नसकिएको
गाँउपालिका अध्यक्ष पारेश्वर ढकालले बताउनु भयो ।
अहिले विस्थापितको संख्या लिम्घामा १ सय ४० र लुम्पेकमा करिब ४ सय पुगेको छ ।
लिम्घामा विस्थापितका लागि खाद्यान्नको ठूलो समस्या नभए पनि लुम्पेकमा संकट बढ्दो रहेको छ । स्थानीय व्यवस्थापन समिति गठन गरेर
बिहीबारदेखि क्षतिको विवरण संकलन पनि सुरु भएको छ ।
प्रदेश सरकारले विस्थापितका लागिपठाएको खाद्यान्न, लत्ताकपडा, कम्बललगायत सामग्री सडक अभावले अस्लेवामै तीन दिनदेखि
थन्किएका छन् । सदरमुकाम तम्घास, बुटवल र काठमाडौंमा समेत राहत संकलन सुरु भएको छ ।
