अनिल खत्री
१३ साउन, गुल्मी ।
गुल्मीको सत्यवतिमा गएको पहिरो प्रभावित क्षेत्रमा सडक अबरुद्ध भएर खाद्यान्न संकट आएपछि हेलिकप्टर मार्फत
राहत सामाग्री पठाएको छ ।
पहिरोले अबरुद्ध सडक मर्मत गर्न अझै केहि लाग्ने भएपछि तत्कालको खाद्यान्न संकट समाधान गर्न हेलिकप्टर मार्फत पुर्याउन
थालिएको हो ।
सोमबार काठमाडौंबाट आएको नेपाली सेनाको हेलिकप्टर मार्फत तम्घासमा बिभिन्न संघ संस्थाबाट उपलब्ध भएको २३ क्विन्टल
राहतका सामग्री हेलिकप्टर मार्फत प्रभावित क्षेत्रमा पुराइएको गुल्मीका प्रमुख जिल्ला अधिकारी यदुनाथ पौडेलले बताए ।
गत मंलवार राती गुल्मीको सत्यवति गाउँपालिकाका दुई स्थानमा पहिरोमा ३ सय ७ घर प्रभावित भएका छन् । जिल्लाको सत्यवति
गाउँपालिकाको वडा नम्बर ३ र ४ को ठूलो लुम्पेक र लिम्घामा क्षती पुर्याउँदा १२ सय ६० जना प्रभावित भएका छन् ।
हेलिकप्टर मार्फत तम्घासबाट १० कुन्टल चामल, एक सय केजी दाल, ६० लिटर खानेतेल, ५० किलो नुन, १० किलो सोयबिन,
९३ किलो चिउरा,एक सय किलो चिनी र सुत्केरीको लागि एक कार्टुन ल्याक्टोजिन प्रभावित क्षेत्रमा पुराइएको छ ।
त्यस्तै काठमाडौबाट ल्याएको दुई सय ७० ब्लाङ्केट र तीन सय १० थान हुट र रेडक्रस सात बोरा पाल, फलामको काटी दुई किलो,
फलामको काटी दुई किलो, हेम्बर एक किलो, पिलास एक किलो र तार तीन किलो ठुलोलुम्पेकमा लगिएको प्रमुख जिल्ला अधिकारी
पौडेलले बताए ।
प्रभावित क्षेत्रमा जीवनजल, गज, सिटामोल र ग्लोब अन्य औसधि पनि पठाइएको छ । तम्घास र काठमाडौंबाट ल्याइएको राहत सामाग्री
२ पटक गरेर हेलिकप्टर मार्फत पठाइएको हो । पहिरोले बिस्थापितलाई सोहि स्थानका धर्मपूर माबि, नवबिहानी प्राबि, धर्मपूर प्राबि,
राम माबि, मनकामना प्राबि,साजपूर प्राबिमा राखिएको छ ।
प्रभावित क्षेत्रमा नेपाली सेनाले अस्थायी बाँसको लागि पाल मार्फत बस्ती बसाल्न घरहरु निर्माण सुरु गरेको बिरभद्र जंग गुल्म गुल्मीका सेनानी
रबिन्द्र महर्जनले बताए । प्रभावितहरु स्कुलमा बस्नु पर्दा बृद्ध, गर्ववती, वालवालिकालाई समस्या परेको बताउँछन् ।
ठूलोलुम्पेक र लिम्घामा ठूलो पहिरो जानुमा ०७२ सालको भुकम्पको कारणले जमिन चर्किएको ठाउँबाट पहिरो गएको प्रराम्भीक अनुमान पनि
गरिएको छ । ठूलो लुम्पेकमा मात्रै सानाठूला गरेर ५ सय र ५ वटा भन्दा वढि २ किलो मिटर सम्मका ठूलो पहिरो गएका छन् ।
पहिरो प्रभावित क्षेत्रमा सडक अबरुद्ध भएपछि राहत सामाग्री बाटोमै रोकिएका छन् । पहिरो प्रभावित क्षेत्रमा मोटरबाटो मर्मत गरेर लैजाने
काम पनि भइरहेको सत्यवति गाउँपालिका अध्यक्ष पारिश्वर ढकालले बताए ।
प्रभावित क्षेत्रमा रहेका बस्तीहरुलाई सुरक्षित स्थानमा सार्नको लागि स्थान र प्रभावितहरुको नामावलि संकलन गर्ने काम भइरहेको गाउँपालिका
अध्यक्ष पारिश्वर ढकालले बताए । प्रभावित क्षेत्रमा महामारि फैलन नदिन औषधी,स्वास्थ्य सहितको तयारी अबस्थामा राखिएको छ ।
प्रभावित क्षेत्रमा रहेका स्वास्थ्य सहितको टोलीले स्थानियलाई हात धुने लगायतका स्वस्थ्य सम्बन्धी जानकारीहरु पनि गराई रहेको उपचारमा खटिएकी
डक्टर शिला ढकालले बताइन् ।
पहिरोमा परेर मंलवार सत्यवति गाउँपालिका २ वटा वडामा ३ वटा घरका १३ र आइतवार कालिगण्डकी गाउँपालिकाको वडा नम्बर ७ को
छापचौरमा १ जना गरि १४ जनाको मृत्यु भएको छ ।
भने २ स्थानमा ७ जना घाइते भएका छन् । घाइते मध्ये २ जनाको काठमाडौं र ५ जनाको पाल्पामा उपचार भइरहेको छ । प्रभावित मध्ये
पूर्ण क्षती तर्फ १७ वटा घर, ६१ वटा गोठ, ३६ वटा शौचालय रहेका छन् ।
आशिंक क्षतीमा १८ वटा घर, २३ वटा गोठ, १८ वटा शौचालय रहेको प्रमुख जिल्ला अधिकारी पौडेलले जानकारी दिए । पहिरोमा
पशु चौपायाँ तर्फ २८ वटा भैसी, १ गाई, ६७ वटा बाख्रा, २१९ वटा कुखुरा र १९ वटा बंगुर मरको प्रराम्भीर तथ्याङ्क संकलन भएको
जिल्ला प्रशासन कार्यालय गुल्मीले जनाएको छ ।
पहिरोले गाउँ नै प्रभावित बनेपछि घर बाँस गुमाएकाहरु र जोखिमपूर्ण बस्ती, बिस्थापितहरुलाई पुनरवासको लागि ठाउँ हेरेर सुरक्षित आवाह निर्माण
गर्न क्षती र नामावली संकलन गर्न थालिएको छ ।
