रोल्पा
साउन १३ –
जंगली च्याउ खाँदा रोल्पामा एकै घरका तीन जनाको मृत्यु भएको छ ।
रोल्पाको लुङग्री गाउँपालिका ६ पाटेगुम्चाल बस्ने २५ वर्षीया फुर्मली बुढाथोकी, उहाँकी छोरी ७ वर्षीया सुनिता बुढाथोकी र तीन वर्षीय छोरा पुस्कर बुढाथोकीको च्याउ खाएर मृत्यु भएको प्रहरीले जनाएको छ ।
उनीहरुले गत साउन ८ गते बिषादी च्याउ खाएर गम्भीर विरामी भएका थिए । त्यसपछि उपचारका लागि प्रादेशिक अस्पताल बुटवल लगिएको थियो ।
उपचारका क्रममा छोरा पुष्कर बुढाथोकी को साउन ११ गते, छोरी सुनिता बुढाथोकी को हिजो आइतबार र आमा फुर्मली बुढाथोकी को सोमबार बिहान मृत्यु भएको प्रदेश नम्वर ५ प्रहरी कार्यालय तुलसीपुरले जनाएको छ ।