गुल्मी
साउन १५ –
बालयोगेश्वर फाउन्डेशन काठमाडौको टोलीले गुल्मीको सत्यवती गाउपालीकाका पहिरो प्रभावितहरुको लागि पाल्पामा राहत संकलन गरि मंगलबार हस्तान्तरण गरेको छ ।
बालयोगेश्वर महाराजको नेतृत्वमा फाउन्डेशनले राहत संकलन गर्न सुरु गरेको हो ।
रिडिमा महायज्ञको लागि आएको फाउन्डेशनको टोलीले सत्यवतिको बिपत्तीप्रति दुख व्यक्त गर्दै घरदैलो कार्यक्रम चलाएर राहत संकलन गरेको जनाएको छ ।
संकलन भएको रकमबाट फाउन्डेशनले खाद्यान्न र लत्ताकपडा सहित नगद पनि पिडितहरुलाई हस्तान्तरण गरेको बिपिन थापाले जानकारी दिनुभयो ।
गुल्मीको सत्यवतीका पहिरो प्रभावितहरुलाई अस्थायी आवास निर्माण गर्न सुरु गरिएको छ ।
गत साताको मगंलबार राति आएको पहिरोले घरहरुमा क्षति पुर्याएपछि अस्थायी आवास निर्माण सुरु गरिएको हो ।
जिल्लाको सत्यावती गाउँपालिका ३ का पहिरो प्रभावितका लागि १७ वटा अस्थायी आवास निर्माण गरिएको प्रमुख जिल्ला अधिकारी यदुनाथ पौडेलले बताउनुभयो ।
जिल्ला सदरमुकाम तम्घासबाट नेपाली सेना, सशस्त्र प्रहरी, नेपाल प्रहरीसहितको टोलीले तत्काल बस्नको लागि आवास निर्माण गरिदिएको जिल्ला प्रहरी कार्यालय गुल्मीका प्रहरी उपरीक्षक एसपी दीपककुमार बस्नेतले बताउनुभयो ।
सुरक्षाकर्मीले महिला पुरुषका लागि अलगअलग शौचालय पनि निर्माण गरिदिएका छन् ।
गत मंगलवार राती गुल्मीको सत्यवति गाउँपालिकाका दुई स्थानमा पहिरोमा ३ सय ७ घर प्रभावित भएका छन् ।
जिल्लाको सत्यवति गाउँपालिकाको वडा नम्बर ३ र ४ को ठूलो लुम्पेक र लिम्घामा क्षती पुर्याउँदा १२ सय ६० जना प्रभावित भएको प्रमुख जिल्ला अधिकारी यदुनाथ पौडेलले बताउनुभयो ।
गाउँपालिकाका दुई स्थानमा गएको पहिरोमा ३०७ घर प्रभावित भएका छन् ।
जिल्लाको सत्यवती गाउँपालिकाको वडानम्बर ३ र ४ को ठूलो लुम्पेक र लिम्घामा क्षति पुर्याउँदा १२ सय ६० जना प्रभावित भएका छन् ।
पहिरोमा परेर मंलवार सत्यवति गाउँपालिका २ वटा वडामा ३ वटा घरका १३ र आइतवार कालिगण्डकी गाउँपालिकाको वडा नम्बर ७ को छापचौरमा १ जना गरि १४ जनाको मृत्यु भएको छ । भने २ स्थानमा ७ जना घाइते भएका छन् ।
