गुल्मी
साउन १५ –
गुल्मीको सत्यवति गाउँपालिका ३ ठुलोलुम्पेकको एक विद्यालय पहिरोले बगाउँदा विद्यार्थीको पढाई अन्यौलमा परेको छ ।
गत साउन ६ गते अविरल बर्षासँगै आएको पहिरोले ठुलोलुम्पेकको सिद्ध आधारभुत प्राविको चार कोठे भवनलाई बगाएको थियो ।
अर्को चार कोठे भवनको माथिल्लो तल्ला पुरिएको विद्यालयकी प्रध्यानाध्यापक ज्ञानमाया तरामुले बताउनुभयो ।
बिद्यालयको तलबाट पनि पहिरो गएको छ भने खेल मैदान पहिरोले भरिएको छ । सिद्ध आधारभुत प्राविमा ५१ जना विद्यार्थीले अध्ययन गर्दै आएका थिए ।
पहिराले पक्की भवनसँगै डेक्स बेन्चलगायत अरु शैक्षिक सामग्री बगाएको छ । विद्यालय वरिपरी कोहि विद्यार्थी र अभिभावक बस्दैनन् ।
अहिले एक महिने बर्खे बिदा छ । साउन २८ गतेबाट विद्यालय सञ्चालन गर्नुपर्नेछ ।
तर एउटा भवन नै नभएको र भएको भवनमा पनि पढाई सञ्चालन गर्ने स्थिती नभएकाले विद्यार्थीको पठनपाठन अन्यौलमा रहेको वडा सदस्य अर्जुन तरामुले जानकारी दिनुभयो ।
पहिरोले विद्यालय मात्रै बगाएको छैन् । सिद्ध प्राविमा पढ्ने विद्यार्थीहरुको घरमा पनि पहिरोले क्षति पु¥याएको छ । भने कैयौँ विद्यार्थी र परिवार विस्थापित छन् ।
अहिलेबाटै त्यो विद्यालयको बिषयमा नसोचे पछि व्यवस्थापनमा समस्या हुने स्थानीय शिक्षक दुर्गा बहादुर तरामुले बताउनुभयो।
पहिरोले सत्यवति गाउँपालिका ३ तथा साविको वडा नं ६ को सिङदी स्वास्थ्य खोप केन्द्र पनि बगाएको छ ।
दुई कोठे खोपकेन्द्रसंगै प्राथमिक उपचारका औषधी, अपकरण र फर्निचरका सामानहरु पहिरोले बगाएको महिला स्वास्थ्य स्वयसेविका दिलमाया तरामुले बताउनुभयो ।
उहाले बच्चाले लगाउने सवै प्रकारका खोप, गर्भवति, सुत्केरीको नियमित चेकजाँच तथा अन्य प्राथमिक उपचार प्रभावित भएको जानकारी दिनुभयो ।
गत मंगलवार राती गुल्मीको सत्यवति गाउँपालिकाका दुई स्थानमा पहिरोमा ३ सय ७ घर प्रभावित भएका छन् ।
जिल्लाको सत्यवति गाउँपालिकाको वडा नम्बर ३ र ४ को ठूलो लुम्पेक र लिम्घामा क्षती पुर्याउँदा १२ सय ६० जना प्रभावित भएको प्रमुख जिल्ला अधिकारी यदुनाथ पौडेलले बताउनुभयो ।
गाउँपालिकाका दुई स्थानमा गएको पहिरोमा ३०७ घर प्रभावित भएका छन् ।
जिल्लाको सत्यवती गाउँपालिकाको वडानम्बर ३ र ४ को ठूलो लुम्पेक र लिम्घामा क्षति पुर्याउँदा १२ सय ६० जना प्रभावित भएका छन् ।
