साउन २२,
अर्घाखाँची –
अर्घाखाँचीमा बाँदर लखेट्ने क्रममा भीरबाट लडेर एक जनाको ज्यान गएको छ ।
मकैबारीमा पसेको बाँदर लखेट्ने क्रममा अर्घाखाँचीको मालारानी गाउँपालिकामा एक जनाको मृत्यु भएको हो ।
बारीमा मकै खान आएको बाँदर लखेटने क्रममा मालारानी गाउँपालिका–२, अमीलेका ३६ वर्षीय विजय केसीको ज्यान गएको हो ।
मंगलबार बिहान बाँदर लखेट्ने क्रममा भीरबाट लडेर केसीको ज्यान गएको स्थानीयले बताएका छन् ।
जिल्लाका विभिन्न गाँउहरुमा बिहानदेखि बेलुकासम्म मकैबारीमा बस्दा पनि बाँदर धपाउन नसकेको कृषकहरुको गुनासो छ ।
अर्घाखाँचीमा बाँदरले मकै खान थालेपछि कृषकहरु चिन्तित बनेका छन् ।
