भदौ ३
पाल्पा –
पाल्पाको रैनादेवी छहरा गाउँपालिका मुझुङमा निर्माणाधीन स्वास्थ्य चौकी अलपत्र परेको छ ।
प्रभावकारी रुपमा स्वास्थ्य सेवा उपलब्ध गराउने उद्देश्यले ४ वर्षअघि स्वास्थ्य चौकी निर्माण सुरु गरिएको थियो । संघीय संरचना अनुसार तीनै तहको सरकार निर्माण भएपनि यस्ता सामान्य समस्या यथावत् रहँदा त्यसको अनुभूति धेरैले गर्न पाएका छैनन् ।
स्वास्थ्यचौकी निर्माणका लागि आवश्यक बजेट नभएपछि अलपत्र बनेको हो ।
अहिले निर्माण व्यवसायीले निर्माण गर्ने म्याद थपे पनि मन्त्रालयले बजेट निकायका लागि पहल नगरेको स्थानीय सरकारको गुनासो छ । शान्ति तथा पुनर्निर्माण मन्त्रालयबाट बजेट उपलब्ध नहुँदा जीर्ण भवनबाट सेवाप्रवाह गर्नुपर्ने बाध्यता रहेको छ ।
सेवाग्राही र सेवाप्रदायकहरु ले पुरानो तथा जिर्ण कोठाबाट सेवा प्रवाह गर्नुपर्दा समस्या भएको गुनासो गर्दै आएका छन् ।
