रामकृष्ण कंडेल
गुल्मी ,भदौ ७ –
गुल्मीको गुल्मिदरबार गाउपालिका ५ अमर अर्बाथोकमा रातापानी स्किम लिफ्टिङ्ग खानेपानीको आज एक औपचारिक कार्यक्रमका बिच सुभारम्भ गरिएको छ।
एक घर एक धारा भन्ने मुल उद्देश्य रहेकोमा हालसम्म १९५ धारा जडान गरिएको , लिफ्टिङ्ग खानेपानी आयोजना निर्माणकार्य ९० प्रतिशत काम पूरा भएको जिल्ला खानेपानी कार्यालयका निमित्त प्रमुख इन्जिनियर कमल पन्तले जानकारी दिनु भएको छ ।
खानेपानी तथा सरसफाई डिभिजन कार्यालय गुल्मिको १ करोड ७५ लाखको अनुमानित लागत रहेको उक्त लिफ्ट खानेपानी आयोजना नेपाल सरकारको अर्थिक सहयोगमा आर्थिक बर्ष २०७१(७२ बाट सुरु भएको थियो ।
आयोजनामा स्थानियको जनश्रमदान पनि रहेको लिफ्टिङ्ग खानेपानी उपभोक्ता समिति अध्यक्ष घनप्रसाद श्रेष्ठले जानकारी दिनुभएको छ ।
कार्यक्रममा वडा कार्यलयको धारा खोलेर उद्घाटन गर्दै गाउँपालिका अध्यक्ष अशोक कुमार थापाले भन्नुभयो “खानेपानीको समस्या रहेका स्थानमा योजना निर्माण गरिएको र उपभोक्ताहरुले प्रत्यक्ष लाभ लिइरहेकोले आयोजना दीगो हुने छ ।”
बिजुलीबाट लिफ्टिङ्ग गर्नुपर्ने भएकोले बिजुलीमा समस्या नभएसम्म खानेपानीमा समस्या नहुने उहाँको भनाई छ । करिव ३ किलोमिटरको दुरीबाट लिफ्टिङ्ग पानी ट्याङ्कीमा जम्मा गरी गाँउलेलाई वितरण गरिएको छ ।
गाँउमा खानेपानीको चर्को समस्या भएको बेलामा लिफ्टिङ्ग खानेपानी योजनाले गाँउलेलाई धेरै राहत मिलेको वडा अध्यक्ष लिलाबहादुर बलालले बताउनु भयो ।
रातापानी स्किम लिफ्ट खानेपानी उपभोक्ता समितिका अध्यक्ष घनप्रसाद श्रेष्ठको सभापतित्वमा सम्पन्न कार्यक्रममा सम्पूर्ण उपभोक्ताको तर्फबाट नारायण प्रसाद श्रेष्ठ, विशेष अतिथि कमल पन्त ,वडाध्यक्ष लिलाबहादुर बलाल ,भुवन श्रेष्ठ लगायतको शुभकामना मन्तव्य राख्नुभएको थियो।
कार्यक्रममा ट्याङ्की निर्माणका लागि निशुल्क जग्गा उपलब्ध गराउने स्थानीय पुण्यप्रसाद अर्याल र अन्य क्षेत्रबाट सहयोग गर्ने सहयोगिहरुलाइ दोसल्ला ओडाएर सम्मान गरिएको थियो।
गाउँपालिका अध्यक्ष अशोक कुमार थापाको प्रमुख आतिथ्यता रहेको कार्यक्रममा खानेपानी तथा सरसफाइ डिभिजन कार्यालय गुल्मिका निमित्त प्रमुख कमल पन्त ,नेपाली काङ्ग्रेसका जिल्ला सभापति भुवन श्रेष्ठ ,सचिव खिलध्वज पन्थी, गुल्मिदरबार गाउँपालिका प्रमुख प्रशासकीय अधिकृत लेख बहादुर बस्नेतको विशेष आतिथ्यता र अन्य समाजसेवी , बुद्धिजिवि प्रहरी चौकी चारपाला प्रमुख ,जनप्रतिनिधि, पत्रकार लगायतको आतिथ्यता रहेको थियो।
उपभोक्ता समितिकि कोषाध्यक्ष बिष्णु श्रेष्ठको स्वागत मन्तव्यबाट सुरु भएकोे कार्यक्रमको संचालन हरि प्रसाद कडेलले गर्नुभएको थियो ।
