चुरामणि तिमिल्सीना
गुल्मी, भदौ १० –
गुल्मीको रुरु धाम रिडिमा साइरन को शुभारम्भ गरिएको छ ।
प्रदेश नम्बर ५ का मुख्य मन्त्री शंकर पोख्रेलले मोबाइलको एप्स क्लिक गरेर उद्घाटन गर्नुभएको हो ।
समग्र रुरु धाम रिडिका बासिन्दालाइ बाढी पहिरो बाट जानकारी गराउने उद्देश्यले यो उपकरण जडान गरिएको हो । केही महिना अगाडी पत्रकार चुरामनी तिमिल्सिना ले जलाउन राखेको सब लाई गङगाजिले बगाएको समाचार विभिन्न मिडिया तथा अन्लाईनमा प्रकाशन गरेपसी पाल्पाका प्रमुख जिल्ला अधिकारी , गुल्मीका प्रमुख जिल्ला अधिकारी लगायत दुबै जिल्लाका सुरक्षा निकायले यस्को बिषयमा कालीगण्डकी प्रोजेक्टमा खबर सम्प्रेषण गरेर यो साइरन जडान गरिएको हो ।
मन्त्री पोख्रेले यस्ता संबेदनसिल उपकरणहरु सुचारु हुदा सबै सचेत हुने, सबैको सुरक्षा हुने हुदा यस्लाइ मर्यादित तरिकाले सन्चालन गर्नुपर्नेमा जोड दिनुभयो ।
साइरन शुभारम्भ कार्यक्रममा गुल्मीका प्रदेश सभाका सांसद, प्रमुख जिल्ला अधिकारी , सुरक्षा निकाय, महिला समूह जनप्रतिनिधि , बाल्योगेसोर महाराज का फाउन्डेसन परिवार, समाजसेबि लगायत को उपस्थिति रहेको थियो । गुल्मीका प्रमुख जिल्ला अधिकारी यदुनाथ पौडेलले यस्ता साइरन गुल्मीमा ६ स्थानमा जडान गरिएको जानकारी गराउनुभएको थियो ।
प्रदेश नम्बर ५ का मुख्यमन्त्री पोख्रेल आज गुल्मीको सदरमुकाम तम्घासमा सरकार र पार्टीका आगामी कार्यक्रम तथा भेटघाटका लागि आउनु भएको हो । उहा नेकपाको जिल्ला कमिटि बैठक ,धुर्कोट गाउपालीकाको भवन उद्धघाटन कार्यक्रममा सहभागि हुने कार्यक्रम छ । यस्तै जनप्रतिनिधी सग अन्तक्रिया गर्ने कार्यक्रम पनि रहेको छ ।
सो अबसरमा उहालाई छत्रकोट गाउपालीका वडा नम्बर ४ श्रृङगामा स्वागत गरिएको थियो ।
स्वागत कार्यक्रममा छत्रकोट गाउपालीका नेकपा अध्यक्ष राम प्रसाद पाण्डे ,उपाध्यक्ष पिताम्बर अर्याल, जिल्ला कमिटि सदस्य होमनाथ कडेल ,रामचन्द्र कडेल ,वडा नम्बर ४ का वडाध्यक्ष डिलाराम न्याउपाने, वडा सदस्यहरु,स्थानिय लगायतको सहभागिता रहेको थियो ।
यस्तै मन्त्री पोख्रेललाई छत्रकोट गाउपालीकाको कार्यालय भेडुवामा अध्यक्ष मधुकृष्ण पन्त, उपाध्यक्ष नर्मदा भण्डारी, प्रमुख प्रशासकिय अधिकृत मधुकृष्ण पौडेल लगायतले स्वागत गर्नुभएको थियो ।
यसअघि मन्त्री पोख्रेललाइ रुरु गाउपालीका वडा नम्बर ४ को बलेटक्सार मा स्वागत गरिएको थियो ।
बलेटक्सारमा गरिएको स्वागत कार्यक्रममा गाउपालीका अध्यक्ष निलकण्ठ गौतम , उपाध्यक्ष लक्ष्मी पन्थ, प्रमुख प्रशासकिय अधिकृत चेतनाथ गिरि , लगायतको सहभागिता रहेको थियो ।
