अनिल खत्री
१३ भदौ, गुल्मी
जन्मजात अपाङ्ग रेसुङ्गा नगरपालिका गुल्मीकी सिता पन्थीलाई सामाजिक क्षेत्रमा काम गर्ने संघ संस्थाहरुले घर बनाइ दिएका छन् ।
जिल्ला सदरमुकाम तम्घास रेसुङ्गा नगरपालिका वडा नम्बर–७ सुकुम्बासी लाइनमा बस्ने शारीरिक अपाङ्गता भएकी सीता पन्थीलाई घर निर्माण गरिदिएका हुन् ।
तम्घासको पुतलीबजारमा दुबै खुट्टा नचल्ने अबस्थामा रहेकी पन्थीलाई अपाङ्ग मैत्री घर निर्माण भएको छ । तम्घास बजार नजिकै रहेर पनि कसैले पनि उनिहरुको अबस्था बारे जानकार थिए या भएर पनि वस्ता भएन ।
तर यहाँका केहि सामाजिक अभियान्तको सहयोगले अपाङ्ग पन्थीलाई घर निर्माण भएको हो । बृद्धाआमासँग निकै कष्टपूर्ण अबस्थामा बस्दै आएकी पन्थीलाई तम्घासमा रहेको आशा अपाङ्ग केन्द्रको सक्रियतामा तम्घासमा रहेका अरु आदा दर्जन संस्थाको सहकार्यमा घर निर्माण गरिदिएका हुन् ।
सदरमुकाम नजिकै रहेर पनि निकै जीर्ण अबस्थामा रहेको घरमा बस्दै आएको थाहा पाएपछि तम्घास उदिनढुंगा निवासी समाजसेवी अम्बीका श्रेष्ठ घर निर्माण गर्न बिभिन्न संस्थासँग सहकार्य गरेकी थिइन् ।
उनले सुरुमै आशा अपाङ्ग केन्द्रसँग सहकार्य गरेसँगै घर निर्माणको लागि अभियान चलाइएको थियो । समाजसेवी श्रेष्ठको अध्यक्षतामा निर्माण समिति बनाएर रेसुङ्ग नगरपालिका, प्रदेश नम्बर ५ सामाजिक बिकास मन्त्रालय सहित झण्डै ५० जना भन्दा वढि व्यक्ति एवं संघ संस्थाको सानो–सानो सहयोगमा घर निर्माण सम्पन्न भएको थियो ।
निर्माण भएको घरमा आर्थिक रकम सँगै निर्माण गर्न नेपाली सेना बिरभद्रजंग गुल्म गुल्मीले निर्माण् सम्पन्न गर्न सम्पूर्ण श्रमदान गरेको थियो । सरकारी तथा गैर सरकारी एवं बिभिन्न व्यक्तिहरुको ४ लाख वढि रकममा निर्माण भएको घरको एक कार्यक्रमका बिच रेसुङ्गा नगरपालिका गुल्मीकी उपप्रमुख सिता भण्डारीले हस्तातरण गरेकी हुन् ।
निर्माण गरिएको घर हस्तातरण गर्दै नगर उपप्रमुख भण्डारीले घर निर्माण कार्यमा सहयोग गर्ने सबैलाई धन्यवाद दिइन् । उनले राज्यको तर्फबाट अपाङ्गहरुलाई सहयोग गर्ने निति अनुसार सहयोग हुँदै आएको बताइन् । तर घर निर्माण गर्न धेरै रकम खर्चिनु पर्ने कारण सम्पूर्ण रकम व्यहोरर्न नसकेपछि केहि रुपमा भएपनि सहयोग गरेको बताइन् ।
कार्यक्रममा आपा अपाङ्ग केन्द्रकी उपाध्यक्ष गंगा रायमाझीले संस्थाको तर्फबाट पुरै घर निर्माण गर्ने रकम नभएकाले अभियान चलाएर निर्माण गरिदिएको बताइन् ।
उनले घर निर्माण गर्न धेरै संघ संस्थाको अमुल्य सहयोग रहेको बताइन् । आपाङ्गको क्षेत्रमा बिभिन्न व्यक्तिको सहयोगले यस्ता समाजमा रहेका अति बिपन्न अबस्थामा रहेका व्यत्तित्वलाई सहयोग गर्न सकिएको बताइन् । घर निर्माण भएपनि केहि रकम तिर्न र घरको लागि अझै केहि सामाग्री आबश्यक रहेको बताइन् ।
घर हस्तातरण कार्यक्रममा निर्माण समिति अध्यक्ष अम्बीका श्रेष्ठले निर्माण कार्यमा सहयोग गर्ने र श्रमदान गर्ने नेपाली सेना बिरभद्र जंग गुल्मका गुल्म पती सेनानी रबिन्द्रि महर्जन सहित सबैलाई धन्यवाद दिइन् ।
घरमा आमाछोरी मात्रै त्यो पनि एउटि बृद्ध र अर्की अपाङ्ग रहेकाले सत्यशाही कला केन्द्र संगठनले खानाको लागि सहयोग गर्दै आएको बताइन ।
उनले घर निर्माण भएपनि अरु थप सहयोगको जरुरी उनिहरुलाई आबश्यक रहेको बताइन् । घर हस्तातरण कार्यक्रममा निर्माण समिति, श्रमदान गर्ने बिरभद्रजंग गुल्मका नेपाली सेना, समाज सेवी लगायत स्थानियको सहभागिता रहेको थियो ।
