रामकृष्ण कडेल ,
भदौ १६ चारपाला गुल्मी ।
ठुलोपोखरा महिला बिकास समूह र गुल्मिदरबार गाउँपालिका वडा नम्बर ७ गुल्मिको संयुक्त आयोजनामा
खुल्ला तिज गित प्रतियोगिता सम्पन्न गरिएको छ।
समुहकी अध्यक्ष शर्मिला थापाको सभापतित्वमा सम्पन्न तिज गित प्रतियोगितामा हरियाली स्वास्थ्य आमा समूह
म्यालडाडा प्रथम , राधाकृष्ण आमा समूह ठुलोपोखरा दोश्रो र न्यु शिव शक्ति आमा समूह तेस्रो भएका हुन।
तेस्तै उत्कृष्ट नृत्य मिलिजुली आमा समुहले र उत्कृष्ट वाद्द्यवादन पुरस्कार चेतनशील आमा समुहले प्राप्त गरेका छ्न।
कुल ६ वटा समुहको सहभागिता रहेको कार्यक्रम गुल्मिदरबार गाउँपालिका वडा नम्बर ७ ठुलोपोखरामा आयोजना गरिएको हो।
प्रथम, दोस्रो र तेस्रो पुरस्कार क्रमशः ७ हजार ,५ हजार र ३ हजार रहेको थियो।हिन्दु महिलाहरूको महान पर्व हरितालिका तिजको दिन सम्पन्न खुल्ला तिज गित प्रतियोगिताको निर्णायक मण्डलमा इश्वरी माध्यमिक बिध्यालयका शिक्षक बाबुराम कडेल , समाजसेवी अमर कुवर र पत्रकार महासघ गुल्मिका सदस्य रामकृष्ण कडेल रहनुभएको थियो। गुल्मिदरबार गाउँपालिकाका प्रमुख प्रशासकीय अधिकृत लेख बहादुर बस्नेतको प्रमुख आतिथ्यता रहेको कार्यक्रममा गुल्मिदरबार गाउँपालिका वडा नम्बर ७ का कार्यवाहक वडाध्यक्ष शालिकराम टन्डन , कार्यपालिका सदस्य तुल्सा अर्याल , वडा सदस्य लक्ष्मी सुनार, स्वास्थ्य संयोजक नारायण प्रसाद अर्यालको विशेष आतिथ्यता र पत्रकार महासघ गुल्मिका अध्यक्ष नवराज भुषाल, रेनपा ७ का वाड अध्यक्ष मोहन पाण्डे , रेनपा १३ का वाड अध्यक्ष खुम खत्री , पत्रकार प्रेम सुनार राष्ट्रिय लोकदोहोरी प्रतिष्ठान गुल्मिका कोषाध्यक्ष इस्वरी कडेल सदस्य रुपेस श्रेष्ठ , समाजसेवी , शिक्षक, विभिन्न कार्यालयका प्रमुख तथा प्रतिनिधि लगाएतको आतिथ्यता रहेको थियो। कार्यपालिका सदस्य तुल्सा अर्यालको स्वागत मन्तव्य रहेको कार्यक्रमको संचालन ठुलोपोखरा महिला बिकास समुहकी सल्लाहकार संयोजक विष्णु बस्नेतले गर्नुभएको थियो।
