रामकृष्ण कडेल ,
भदौ १८ ,गुल्मी
ठुलाचौर बजार ब्यवस्थापन समिती गुल्मिदरबार गाउँपालिका ७ गुल्मीको आयोजनामा खुल्ला तिज गित प्रतियोगिता सम्पन्न भएको छ।
तिज गित प्रतियोगितामा शिव शक्ति आमा समूह जोर्तेपोखरा प्रथम ,सृजनशिल आमा समूह गलाम द्धितिय र राधाकृष्ण आमा समूह ठुलोपोखरा तृतिय भएका छन।
तेस्तै उत्कृष्ट नृत्य शिवसक्ती आमा समुहकी सरस्वती टन्डन र उत्कृष्ट वाद्द्यवादन पुरस्कार राधाकृष्ण आमा समूह बाट हिमाल कुवरले प्राप्त गर्नुभएको थियो। कार्यक्रममा ५ वटा समुहको सहभागिता रहेको थियो।
बिजयी समुह र सहभागीलाई नगद र प्रमाणपत्र सहित सम्मानित गरिएको थियो।
हिन्दु महिलाहरूको महान पर्व हरितालिका तिजको अन्तिम दिन सम्पन्न खुल्ला तिज गित प्रतियोगिताको निर्णायक मण्डलमा ठुलापोखरा आधारभुत बिध्यालयका प्रधानाध्यापक राम बहादुर खत्री, संगम युवा क्लबका उपाध्यक्ष सुनिल बस्नेत र पत्रकार महासघ गुल्मिका सदस्य रामकृष्ण कडेल रहनुभएको थियो।
कार्यक्रममा बजार ब्यवस्थापन समितिका अध्यक्ष लक्ष्मण अर्यालको सभापतित्व, गुल्मिदरबार गाउँपालिकाका वडा नम्बर ७ का वाड अध्यक्ष टोपबहादुर बस्नेतको प्रमुख आतिथ्यता रहेको थियो । कार्यक्रममा गुल्मिदरबार गाउँपालिका कार्यपालिका सदस्य तुल्सा अर्याल ,वडा नम्बर ७ का वाड सदस्य शालिकराम टन्डन , संगम युवा क्लबका अध्यक्ष एवं कार्यक्रमका संयोजक भिमबहादुर टन्डन लगायत समाजसेवी ,बुद्धिजीवी शिक्षक, विभिन्न कार्यालयका प्रमुख तथा प्रतिनिधि लगाएतको आतिथ्यता रहेको थियो।
कार्यक्रममा पुरस्कार सौजन्य गर्ने , विभिन्न क्षेत्र बाट सहयोग गर्ने सहयोगिहरु निर्णायक मण्डल लगाएतलाइ सम्मान समेत गरिएको थियो। बजार ब्यवस्थापन समिति सदस्य इन्द्रबहादुर थापाको स्वागत मन्तव्य बाट सुरु भएको कार्यक्रमको संचालन बिशाल टन्डनले गर्नुभएको थियो।
