प्रेम सुनार
बुटवल, भदौं–२१
शुक्रवार १ बजे सम्म कार्यालयको काम सकेर शनिवार सम्म आ–आफ्नो घर– कोठामा आराम गर्ने सरकारी कर्मचारीहरु मध्ये गुल्मी जिल्लामा एकथरि सरकारी कर्मचारी भने शुक्रवारको एकाविहानै देखि राती अवेर सम्म र अर्को दिन शनिवार विहान पनि नागरिकलाई सेवा प्रवाह गर्न ब्यस्त थिए ।
गुल्मी चेम्वरअफ कमर्सको आयोजनामा करदाता सेवा कार्यालय पाल्पाका कर्मचारीहरुले शुक्रवार देखि शनिवार सम्म शिविर सञ्चालन गरि गुल्मी जिल्लाका ब्यवसायीहरुलाई कर बुझाउने सेवाप्रवाह गर्न ब्यस्त भएका हुन् ।
शिविरमा देश कै सबै भन्दा कान्छा कर्मचारी तथा करदाता सेवा कार्यालय पाल्पाका प्रमुख सागर पोखरेल सहितको टोलीले समाचार लेख्ने बेला सम्म भण्डै ५ सय जनालाई सेवा प्रवाह गरि सकेका छन् ।
बर्षऔं अघि देखि बुटवल र गत बर्ष देखि पाल्पामा कर बुझाउन जानु पर्ने गुल्मीका ब्यवसायीहरुले यस बर्ष आफ्नै जिल्लाको सदरमुकाम तम्घास मै कर बुझाउन पाउने सुविधा पाएपछि निकै लाभान्वित भएका छन् ।
बुटवल पुग्दा ५ देखि १० हजार सम्म खर्च र दुई तीन दिन सम्मको समय खर्चिन बाध्य गुल्मीका ब्यवसायीहरुलाई गुल्मी चेम्वर अफ कमर्सले कर कार्यालयका कर्मचारीहरुलाई झिकाएर सदरमुकाम तम्घासमा कर बुझाउने शिविर सञ्चालन गरि सुविधान प्रदान गरेको हो ।
जिल्ला समन्व्य समितिको कार्यालयमा हिजो देखि सञ्चालन गरिएको शिविरमा ब्यवसायीहरुको कर बुझाउन निकै भिड लागेको छ । सदरमुकामका ब्यवसायी मात्र नभएर दुर्गम गाउँबाट समेत ब्यवसायीहरु आएका छन् ।
स्थानिय सकारले साना ब्यवसायीहरुलाई समेत करको दायरामा ल्याएको छ । गत बर्ष देखि धुर्कोट गाउँपालिकाले साना ब्यवसायीहरुलाई समेत करको दायरमा ल्याए पछि त्यस गाउँपालिका वडा नम्वर ७ वाग्लाको चौतरा गाउँकी सावित्रा परियारले पनि शिविरमा आएर कर बुझाईन ।
सदरमुकाम तम्घासका पुराना ब्यवसायी रेमलाल पाण्डे भन्छन–‘ कर बुझाउन बुटवल धाउँदा १० हजार सम्म पैसा र दुई तिन दिन सम्म समय खर्च हुने गर्दथ्यो अहिले जिल्ला मै शिविर सञ्चालन हुँदा त्यो पैसा र समय दुबै बचेको छ ।
शिविरमा कर बुझाउन आएकी सुधासिंह ठकुरी पनि जिल्ला मै कर बुझाउन पाउने सुविधा पाएकोमा खुशी प्रकट गर्दै थिईन . । यहाँका ब्यवसायीहरुलाई गुल्मी उद्योग वाणिज्य संघले पनि एक हजार रुपैयाँ सेवा शुल्क लिएर बुटवल पाल्पा पुगेर कर बुझाई दिने र ब्यवसाय र ब्यक्तिगत पान नम्वर उपलब्ध गराउँदै आएको थियो ।
तर गत बर्ष मात्रै गठन भएको चेम्वरअफ कमर्सले भने जिल्लाबाटै निशुल्क उक्त सेवा उपलब्ध गराएर गुल्मी उद्योग वाणिज्य संघलाई चुनौती दिदै ब्यवसायीहरुको समानन्तर संस्थाका रुपमा आफुलाई स्थापित गर्ने जमर्को
ृ गर्दैछ ।
सञ्चालन गरेको शिविरमा पनि कर्मचारी देखि विभिन्न पेशा ब्यवसाय गर्नेले ब्यक्तिगत पान नम्वर समेत धमाधम लिईरहेका छन् । चेम्वर अफ कमर्सले आज भन्दा २० दिन अघि पनि गुल्मीका कर बुझाउने शिविर सञ्चालन गरेकोा थियो
गुल्मी उद्योग बाणिज्य संघका पुर्व अध्यक्ष कृष्णप्रसाद भण्डारीले अहिले नेपाल चेम्वर अफ कमसैले अहिले जिल्ला मै शिविर राखेर गुल्मीका सेवागाहीलाई सुविधा दिए अब गुल्मी मै कर कार्यालय ल्याउन आफुहरुबाट पहल भई रहेको भण्डारीले बताए ।
कर बुझाउन बुटवल र पाल्पा सम्म पुग्नु पर्ने बाध्यतालाई ध्यानमा राखी जिल्ला मै शिविर सञ्चालन गरे यस्तो सुविधा प्रदान गर्न लागिएको र पहिलो चरणमा १ हजार ३५ जनाले र यो दोश्रो चरणमा ४ सय ९१ ज्नाले सेवा लिएको गुल्मी चेम्वर अफ कमर्सका अध्यक्ष युवराज न्यौपानेले बताए ।
शिविर संगै संशोधित कर ब्यवस्थाको सम्वन्धमा ब्यवसायीहरु विच अन्तरकृुया तथा अभिमुखीकरण कार्यक्रमको आयोजना समेत गुल्मी चेम्वर अफ कमर्सले गरिरहेको छ । जहाँ राजश्व अनुसन्धान विभाग काठमाण्डौंबाट आएका उपसचिव टंक पाण्डे र आन्तरिक राजश्व विभाग करदाता सेवा कार्यालय पाल्पाका प्रमुख सागर पोखरेले प्रशिक्षण दिएका थिए ।
