रामकृष्ण कँडेल
गुल्मी, भदौ ३१ –
मनसुनको उत्तराद्र्धमा देशका धेरैजसो स्थानमा झरी परेको छ ।
तर, पश्चिम नेपालका खासगरी पाँच नम्बर प्रदेशका जिल्लाहरुमा भने एकनासको झरी परेको छैन, बरु कतै दर्किने त कतै चर्किने भइरहेको छ । अधिकांश ठाउँहरुमा पानीका मुहान सर्सेका छैनन् जसले गर्दा हिउँदमा खानेपानीको संकट पैदा हुने चिन्ता छ । यता, सोमबार साँझदेखि गुल्मीमा परेको झरीले पश्चिमका केही ठाउँ असहज बनाएको छ । रिडी खोलामा आएको बाढीले केही टहरा बगाएको छ । त्यहाँ संचालित महायज्ञस्थलका टेण्ट, फर्निचर लगायत बन्दोबस्तीका सामान बगाएका तस्वीर सामाजिक संजालमा पोष्ट भईरहेका छन् ।
साना स्कुले नानीहरुलाई सास्ती
झरीले मुख्यत साना स्कुले बालबालिकाहरुलाई प्रभाव पारेको देखियो, जो सहजै एक्लै विद्यालय आउनजान सक्दैनन् । आज गुल्मी दरबार गाउँपालिका, छत्रकोट, रुरुक्षेत्र लगायत आसपासका केही विद्यालयहरुमा सानो कक्षाका विद्यार्थी समेत न्युन उपस्थित रहेका पाईएको छ ।
छत्रकोटको एक निजी विद्यालयका प्रिन्सिपलले भने “यस्तै हो झरी पर्दा सानो कक्षाका नानीहरु कमै आउँछन् कहिलेकाहीँ त मौसम हेरीकन स्थानीय आकस्मिक बिदा समेत दिनुपर्ने हुन्छ । “
गाडीमा यात्रु पनि कम कच्ची बाटोको ‘विजोग’
गुल्मीको खज्र्याङ्देखि सदरमुकाम तमघास, प्रदेश राजधानी बुटवल लगायतका ठाउँमा जाने गाडीहरुमा अरु दिन यात्रु खचाखच देखिन्थे तर, आज झरीकै कारण यात्रा गर्ने मानिस पनि घटे ।मंगलबार बिहान खज्र्याङबाट तमघासतर्फ जाँदै गरेका एक माइक्रोबसका चालक यकबहादुर खत्रीले भने “यस्तो मौसममा मान्छे चल्दैनन् अब कुर्ने स्थिती पनि छैन । अर्को कुरा बाटो बेहाल छ, हिँजोको पानीले त बिजोग गरेछ नि, बनाउने निकायले ध्यान दिनुपर्यो ।”
यसो भन्छ मौसम पुर्वानुमान महाशाखा
मौसम पुर्वानुमान महाशाखाले भने मंगलबार राती पनि देशभरी सामान्य देखि पुर्ण बदली रही मध्य र पश्चिमका धेरै स्थानहरुमा तथा पुर्वका केहि स्थानहरुमा मेघ गर्जनरचट्टयांग सहित हल्का देखि मध्यम वर्षा हुनेछ। मध्य र पश्चिमका थोरै र पुर्वका एक दुइ स्थानमा भारी वर्षाको सम्भावना छ।
त्यस्तै असोज ०१ गते बुधबार दिउँसो देशभरी सामान्य बदली रही मध्य भुभागका धेरै स्थानमा र देशका बाँकी भू९भागहका केही स्थानहरुमा मेघ गर्जनरचट्टयांग सहित हल्का देखि मध्यम वर्षाको हुनेछ। देशका मध्य तथा पश्चिमका थोरै स्थानमा भारी वर्षाको सम्भावना छ।
राती देशभर पुर्ण बदली रही मध्य र पश्चिमका धेरै स्थानहरुमा तथा पुर्वका केहि स्थानहरुमा मेघ गर्जनरचट्टयांग सहित मध्यम वर्षा हुनेछ। पश्चिमका एक दुइ स्थानमा भारी वर्षाको सम्भावना छ।
