पाल्पा
असोज ११ – पाल्पामा तिनाउ गाउपालिका ३ सिद्धबाबाको हेडबक्स नजिकै गुडिरहेको बसमा माथिबाट खसेको ढुंगाले लागेर पाँचजना घाइते भएका छन्। पाल्पादेखि बुटवलतर्फ जादै गरेको लु१ख ६१८० नम्बरको बसमा तिनाउ सनिबार दिउँसो माथीबाट ढुंगा खसेर लागेको हो। घाइते हुनेमा बस चालक रुपन्देहीको तिलोत्तमा नगरपालिका ४ का ३५ वर्षीय कमल राउत, स्याङ्जाको वालिङ नगरपालिका १४ का ३८ वर्षीया रोमादेवी डुम्रे, पाल्पाको तिनाउ गाउपालिका ६ का ५२ वर्षीय टीकाराम भण्डारी, माथागढी गाउँपालिका ५ का २३ वर्षीय सन्तोष चौहान, भारत नौतुनाका २६ वर्षीया श्रीमाया साहानु रहेको जिल्ला प्रहरी कार्यालय पाल्पाका प्रहरी नायब उपरीक्षक कृष्णराज सापकोटाले बताउनुभयो। घाइते सबैको प्रादेशिक अञ्चल अस्पताल बुटवलमा उपचार भइरहेको छ। बसमा २० जना यात्रु सवार रहेको बताइएको छ।
