शुरेस थापा
गुल्मी असोज १६ – सत्यवती गाउँपालिका गुल्मीले नेपालीहरुको महान चाड दशैँ,तिहार तथा छठ पर्वमा हुनसक्ने कालोबजारी तथा अस्वभाविक मुल्य वृद्धि लाइ मध्यनजर राखी आज बजार अनुगमन गरेको छ ।
सत्यवती गाउँपालिकाको तर्फदेखि सूर्य बहादुर राना, मुक्ति भण्डारी, इलाका प्रहरी कार्यालय जोहाङ्गका प्रमुख सुग्रीब बहादुर बैदवार, प्रहरी जवान डिल्लिराज आचार्य, बजार व्यवस्थापन समिति अध्यक्ष सिद्धिमान श्रेष्ठ लगायतको टोलिले सत्यवती गाउँपालिकाका चोरकाटे बजार, उल्लिखोला बजार, खैरेनी बजार, साहाघाट बजार, रुद्रवेणि, चौर लगायतका बजारहरुमा अनुगमन गरेको हो । धेरैजसो पसलहरुमा कुरकुरे, अचार, बेसन लगायतका सामाग्रीहरु मिति सकिएको पाइएको छ । अधिकांश पसलहरु गाउँपालिकामा दर्ता नभएका र दर्ता भएका पनि नविकरण नभएको पाईएको छ । दर्ता नभएका पसलहरुलाई गाउँपालिकामा दर्ता गर्न र दर्ता भएकालाई नविकरण गर्न आग्रह गरिएको छ ।
यस्तै ग्राहकको स्वास्थ्यलाई मध्यनजर राखी मिति सकिएका सामाग्री बिक्रि नगर्न र पसल होटेलहरु सफा राख्न पनि अनुगमन टोलिले व्यापारिहरुलाई आग्रह गरेको छ ।
