सुरेश थापा
गुल्मी, असोज २१ – गुल्मीको सत्यवती गाउँपालिका वडा नं. ७ जुनियामा अवस्थित जुनिया कोट भँयर मन्दिरमा सोमबार नवमीको दिन परम्परागत रुपमा पंञ्चबली दिने कार्यक्रम सम्पन्न भएको छ ।
१८६० सालमा सत्यवती–८, भार्सेका भुरे राजाहरुले जुनियाका ठकुरी (उमरा) बंशहरुलाई कोट मन्दिरको सेवा संरक्षण को लागि हस्तान्तरण गरेको कोट समितिका सचिव नारायण शाहिले जानकारी दिनुभयो । भार्से, जोहाङ्ग, हँसरा, रुपाकोट, लिम्घा, फोक्सिंङ लगायत विभिन्न ठाउँबाट बलि लिएर पुजा गर्न आउनेको घुइचो हुने मन्दिरमा क्रमश केहि कमि भएको समितिका अध्यक्ष दिलिप सेनले बताउनु भयो । आफूले आटेका काम पुरा होस भनि कोट भँयर मन्दिरलाई भाकल गरि आफ्नो काम पुरा भएपछि नवमिको दिन बलि फूल प्रसाद चढाउने चलन रहेको छ ।कुनै समस्या पर्दा वा कुनै काम बनोस भनि जुनिया कोट मन्दिरलाई सम्झदा काम पुरा हुने कोट मन्दिरमा धेरै नै शक्ति रहेको धेरैको भनाइ रहेको छ । सोमबार नवमिको दिन यस मन्दिरमा १३ वटा पाडा, २२ वटा बोका, १५ वटा कुखुरा बलि दिनुका साथै करिब ६० जोडि परेवा उडाईएको छ ।
कोट समिति द्धारा चण्डि पुर्णिमाको पुजा, साविक वडा स्तरीय भलिवल, बाजागाजा, सराय नाच, फूलपाति कटुवाल लगायतका विभिन्न पुरस्कार र नेकले गर्दा आर्थिक भार थाम्न धौ धौ भएको कोट समितिका सल्लाहकार पुर्ण बहादुर शाहिले जानकारी दिनुभयो ।
