माधब पौडेल
कार्तिक १ अर्घाखाँची – अर्घाखाँची जिल्लाको पाणिनी गाउँपालिका वडा नम्बर १ सिम्लेमा अवस्थित श्री शिव शक्ति आश्रम कैलास डाँडा मा श्री भविष्य महापुराण २१ औं ज्ञान यज्ञ को आज चौथो दिन पनि श्रद्धालु भक्तजनहरुको घुइँचो लागेको थियो ।
यज्ञमा पाणिनि गाउँपालिकाका विभिन्न विद्यालयहरू बाट विद्यार्थी साथै शिक्षक हरूको उपस्थितिले अझ यज्ञ लाई सुनमा सुगन्ध थपिरहेको थियो यस यज्ञमा लक्षहोम , सामुहिक वर्तबन्ध पनि गरिने मन्दिर समितिले जनाएको छ । भविष्य पुरानो विषयवस्तु एवं वर्णन शैलीको दृष्टिले अत्यन्त उच्चकोटीको छ । यसमा धर्म ,सदाचार, नीति, उपदेश धेरै आख्यान व्रत तीर्थ दान ज्योतिष एवं आयुर्वेद शास्त्रका विषयवस्तुहरूको अद्भुतसंग्रह गरिएको छ।
भबिष्य पुराणमा भविष्यमा हुने घटनाको वर्णन गरिएको छ ।यो पुराण भारतवर्षको वर्तमान ,समस्त ,आधुनिक इतिहासको आधार हो भनेर पण्डितहरू भन्दछन्। यति विस्तारित ब्रतहरुको वर्णन न कुनै पुराण, धर्मशास्त्रमा पाइन्छ न कुनै स्वतन्त्र ब्रत (संग्रहको पुस्तकमा ।यस यज्ञ का कथा वाचक दसरथ न्यौपाने हुनुहुन्छ । यस यज्ञ कार्तिक ४ गतेसम्म चल्नेछ।
