अनिल खत्री
१ मंसिर, गुल्मी ।
परराष्ट्रमन्त्री प्रदीपकुमार ज्ञवालीले बजारमा कफीको माग र आकर्षण अनुसार नेपालमा उत्पादन हुन नसकेको बताएका छन् ।
आइतवार गुल्मीको सदमुकाम तम्घासमा आयोजित गुल्मीमा १५ औं राष्ट्रिय कफी दिवस कार्यक्रममा मन्त्री ज्ञवालीले नेपाल
लगायत बिदेशमा पनि गुल्मीको कफी माग अनुसार उत्पादन गर्न नसक्नु दुखद भएको भन्दै किसानहरुलाई प्रेरित गरि
सामुहिक रुपमा कफी खेतीमा लाग्न आग्रह गरे ।
कीसानहरुलाई प्रेरित गरि सामुहिक कफी खेतीमा लाग्न आग्रह गरेका छन् । बिसं १९९५ सालमा हिरा गिरीले
बर्माबाट ल्याएको कफीको बिउ गुल्मीको आपचौरमा रोपण गरेपश्चात नेपालमा कफी खेती सुरुवात भएपनि सोचे अनुरुप
व्यवसायिक रुपमा जान नसकेकोमा चिन्ता व्यक्त गरे । उनले पहिले बजार नभएका कारण कफीका बिरुवाहरु काटेर
फ्याक्ने गरेको भन्दै अब किसानहरुलाई जति उत्पादन गरेपनि बजारको समस्या नहुने बताए ।
किसानहरुले जति सक्यो त्यती उत्पादन गर्नुस् बजारमा कुनै समस्या हुँदैन त्यसको जिम्मा राज्यले लिने बताए ।
अब गुल्मीको कफीलाई अन्तरराष्ट्रिय स्तरसँग प्रतिष्पर्धा गर्नु पर्ने भएकाले सामुहिक रुपमा फमहरुको माध्यमबाट कफी
उत्पादन व्यवसायिक करण गर्न आग्रह गरे ।
कृषि अब आधुनिकरण र व्यवसायिकता नगएसम्म उत्पादनलाई बृद्धि गर्न नसकिने ज्ञवालीको भनाई छ ।
कृषिमा राज्यले उच्च प्रथामिकत दिएको भन्दै अनुदानका कार्यक्रमहरुलाई कृषिलाईव्यवसायिक करण गरिने
ज्ञवालीले दाबी गरे ।
कार्यक्रममा कृषि तथा पशुपंक्षी राज्यमन्त्री रामकुमारी चौधरी नेपालमा मात्र नभइ बिदेशमा समेत गुल्मीको कफीको
चर्चा हुने गरेको भन्दै अन्तरराष्ट्रिय स्तरसम्म पुर्याउने गरि समुहिक कफी खेतीमा लाग्न आग्रह गरिन । उनले राज्यले
कृषिमा यान्त्रीकरण गरि व्यवसायिकतामा जोड दिएको भन्दै ढुक्क भएर कृषिमा लाग्न आग्रह गरिन ।
कार्यक्रममा कृषि तथा पशुपंक्षी विकास मन्त्रालयका सचिव डाक्टर युवकध्वज जिसीले कृषिमा राज्यले सहुलियत र
अनुदानको बिशेष व्यवस्था गरेकाले युवाहरुलाई बिदेश नगई नेपालमै व्यवसायिक कृषिमा लाग्न आग्रह गरे । उनले कफीको
उद्यगम स्थल गुल्मीमा १५ औं राष्ट्रिय कफी दिवस मनाउन पाउनु गौरवको विषय भएको बताए ।
राष्ट्रिय चिया तथा कफी विकास बोर्डको आयोजनामा ‘आर्थिक समृद्धिका लागि किसानको हात, गुणस्तरीय कफी
रोपणमा हामी सबैको साथ’भन्ने नाराका साथ कफी दिवस जिल्ला सदरमुकाम तम्घासमा मनाइएको हो । नेपालमै कफी
खेती सुरुवात भएको जिल्ला गुल्मीमै केन्द्रिय कार्यक्रम राखेर कार्यक्रम गरिएको राष्ट्रिय चिया तथा कफी विकास बोर्डका
निमित्त कार्यकारी निर्देशक दीपक खनालले बताए ।
दिवसको अबसरमा उत्कृष्ट कफी कृषकहरुलाई पुरस्कृत एबम् सम्मान गरिएको थियो ।
