तिलोत्तमा
बैशाख ३
सुचना तथा प्रबिधि मन्त्री गोकुल बास्कोटाले बालुवाटारको जग्गा कृते गरी आफनो नाममा गराउनेलाई पानी मुनी गएपनि सरकारले नछाड्ने बताउनु भएको छ ।
तिलोत्तमाको मणिग्राम स्थित डिमल्याण्ड गोल्ड रिसोर्टमा आज बिहान आयोजित पत्रकार सम्मेलनमा उहाले प्रधानमन्त्री निवास बालुवाटारको जग्गा कृते गरी आफनो नाममा बनाउने जो सुकै मुख्य दोषिलाई सरकारले कारबाही गरी छाड्ने बताउनु भएको हो ।उहाले भन्नुभयो को को ले कृते गरे छानबिन गरेर कारबाही हुन्छ कृते गर्ने मूलीलाई सरकारले पानीमुनी गएपनि छाड्दैन ।बालुवाटारको जग्गाका सम्वन्धमा आफुले नेकपा महासचिव बिष्णु पौडेल ठगिनु भयो र सरकारले क्षतिपुर्ति दिनुपर्छ भनेर नभनेको मन्त्री बास्कोटाले स्पष्ट पार्नुभयो । नेपाल सरकारका प्रवक्ता समेत रहेका मन्त्री बास्कोटाले भन्नुभयो उहाले तेश्रो पक्षबाट जग्गा लिनुभएको रहेछ, उहालाई सरकारले क्षतिपुर्ति दिने होइन जो संग किन्नु भएको हो उसैले हो क्षतिपुर्ति दिने,सरकारले क्षतिपुर्ति दिर्दैन र दिने पनि भनेको छैन ।
मन्त्री बास्कोटाले तथ्यमा आधारित भएर सरकारको आलोचना गर्न सञ्चारकर्मीलाई आग्रह गर्नु भयो । उहाले भन्नुभयो ‘सरकार तथ्यमा आधारित आलोचनालाई स्वागत गर्छ, ‘सडक बनाएको नदेख्ने, धुलो उडेको मात्रै देख्ने, बच्चा जन्मेको नदेख्ने आमाको चित्कार र प्रश्रबको रगत मात्रै देख्ने आलोचना सही हुन सक्दैन ।’देशले नवनिर्माणको बाटो पक्रिसकेको र समृद्धि सिंगो देशको बहसको विषय बनेको दाबी गर्दै मन्त्री बास्कोटाले आलोचनाका बीच पनि सरकारले नव निर्माणको लडाइँ जितेको जकिर गर्नु भयो ।सरकारले रेल र पानीजहाज ल्याउने कुरा गर्दा शुरुमा विश्वास नगरेर शंका गर्नेहरुले अहिले ती कुरा वास्तकितामा परिणत हुन थालेपछि किन आवश्यक पर्यो भनेर प्रश्न गर्न थालेको उहाले उल्लेख गर्नुभयो।
अहिले पनि देश निर्माण कि आलोचना भन्नेमा द्वन्द्व रहेको उल्लेख गर्दै कम्युनिस्टको सरकारप्रति धेरैमा मनोवैज्ञानिक र रेडिमेड आशंका उब्जाउन खोजिएको मन्त्री बास्कोटाले बताउनु भयो ।सरकारले स्वतन्त्र प्रेसलाई नियन्त्रण गर्न नभई सुरक्षित,
व्यवसायिक,देशभक्त बनाउन चाहेको पनि बताउनु भयो।
