रुकुम,
५ मंसिर ।
मुख्यमन्त्री शंकर पोखरेलले सरकारले केही काम गरेन् भन्ने भ्रम फैलाइएको बताउनु भएको छ ।
यो सरकारले जनताको जीवनमा परिवर्तन हुने गरी काम गरेर देखाउने बताउनु भयो ।
संविधानले नागरिकलाई अधिकार सम्पन्न बनाएको र ती अधिकारको व्यवहारिक कार्यान्वयनका लागि
राज्यलाई बलियो बनाउनुपर्ने बेला आएको बताउनु भएको छ ।
रुकुम पूर्वको सदरमुकाम रुकुमकोटमा आयोजित आमसभामा बोल्दै उहाले बलियो राज्यले मात्रै संविधानमा
व्यवस्था गरिएका नागरिक अधिकारलाई व्यवहारिक कार्यान्वयन गर्न सक्ने बताउनु भयो ।
नागरिक अधिकारको व्यवहारिक कार्यान्वयनको यतिखेर तिनै तहका सरकार सक्रियतापूर्वक लागिरहेको बताउनु भयो ।
उहाले दुई ठूला कम्युनिष्ट पार्टी चुनाव जित्न र सरकार बनाउनका लागि मात्रै नभएर जनआकांक्षा पूरा गर्ने मिशनका
साथ एकता भएको स्पष्ट पार्नु भयो ।
तत्कालीन एमाले र माओवादी केन्द्रबीच चुनावी तालमेल गरेपछि विरोधीहरुले कार्यान्वयन हुन्न भने, हामीले कार्यान्वयन गयौ,
पार्टी एकता हुन्न भने, हामीले पार्टी एकता गरेर देखायौं, सरकारले केही काम गरेन् भन्ने भ्रम फैलाइएको छ,
यो सरकारले जनताको जीवनमा परिवर्तन हुने गरी काम गरेर देखाउदैछ– भन्नु भयो ।
विरोधीहरुले सधैं भ्रम छर्ने काम गर्ने र ती भ्रमबाट मुक्त भएर अघि काम गर्दो रहेछ भनेर देखाउने बताउनु भयो ।
मत नदिएका व्यक्तिलाई पनि मत नदिएको पछुतो लाग्ने गरी काम गरेर देखाउँछौं–भन्नु भयो । उनले जनताले तिरको करबाट
विनियोजन भएको विकास बजेटमा कसैले लोभ गर्न नहुने बताउनु भयो ।
विकास बजेटमा जनप्रतिनिधि, कर्मचारी कसैले पनि लोभ नगरौं, लोभलालच भएको छ छैन् अनुगमन गरौं–भन्नु भयो ।
मैले जिल्लास्तरमा हुने विकास निर्माणका काम प्रभावकारी भए नभएको अनुगमन र निरीक्षण गर्न प्रमुख जिल्ला अधिकारीलाई
भनेको छु, तपाईहरु पनि अनुगमन गरी खबरदारी गर्नुस–भन्नु भयो ।
सदरमुकाम विवादमा नफसौं उहाँले रुकुम पूर्वका जनतालाई सदरमुकाम विवादमा नफस्न आग्रह गर्दै यो झगडा जनताको नभई
नेताको भएको बताउनु भयो ।
अहिले सदरमुकाम विवाद संवैधानिक अदालतमा छ, अदालतले जे फैसला गर्छ, त्यसलाई स्विकार गरौं, सदरमुकाम हुने ठाउँको
विकास स्वभाविक ढंगले हुन्छ, अदालतले फैसला गरेपछि जहाँ सदरमुकाम हुन्न, त्यहाको विकासको जिम्मा प्रदेश सरकारले लिन्छ,
तपाईहरु ढुक्क हुनुस्–भन्नु भयो ।
उहाले पूर्वाधार विकासले अब रुकुमले पछि परेको महशुस गर्न नपर्ने बताउनु भयो ।
अर्गानिक जिल्ला बनाउन आग्रह मुख्यमन्त्री पोखरेलले सर्वदलीय छलफलमा रुकुम जिल्लालाई अर्गानिक उत्पादन जिल्लाको रुपमा
विकास गर्न सबै मिलेर अघि बढ्न आग्रह गर्नु भयो। अर्गानिक उत्पादनलाई जोड दिएर अघि बढ्दा रुकुमले धेरै फाइदा लिने बताउनु भयो ।
अर्गानिक उत्पादनका लागि प्राविधिक र बजारीकरणका लागि प्रदेश सरकारले सहयोग गर्ने बताउनु भयो ।
चुनवाङ–रुकुमकोट सडक निर्माणमा देखिएको समस्या समाधान गर्न सबै मिलेर अघि बढ्नुपर्ने बताउनु भयो ।
सुविधासम्पन्न अस्पतालको गुरुयोजना बनाउन निर्देशन मुख्यमन्त्रीले रुकुमकोट जिल्ला अस्पतालको उद्घाटन गर्दै अस्पताल
बिरामीको विश्वास जित्ने हुनुपर्ने बताउनु भयो ।
अस्पताल राम्रो भयोभने मात्रै उपचार गर्न आउनेको संख्या बढ्ने भएकाले सेवा प्रवाहको गुणस्तरलाई ध्यान दिन आग्रह गर्नु भयो।
उहाले जिल्ला अस्पतालमा हुनुपर्ने न्युनतम सुविधा र पूर्वाधारको गुरुयोजना बनाउन निर्देशन दिनु भयो।
पैसाको समस्या छैन्, प्रदेश सरकारले पूर्वाधारका लागि आवश्यक बजेट व्यवस्था गर्छ,त्यसबाट नागरिकले राम्रो सेवा पाउनुपर्छ–बताउनु भयो
उहाले अस्पतालले बिरामी भएपछि उपचार गर्ने मात्रै नभई बिरामी हुन नदिने गरी जनचेतना कार्यक्रम सञ्चालनमा पनि ध्यान दिनुपर्ने बताउनु भयो ।
